سيدي المتمرد

البارت الثالث والثلاثون(الإخير)

- سيدي المتمرد
- للكاتبـه ريـم محمد

نظرت إليه في حيرةٍ !
هذا هو الحُب :
خيطٌ من المُصادفة يجمَع
الإشارات ليصنع مُعجزة🤍

سمعنـه صوت ركعه قويه كلش جايـه من غرفـه ام زيـد

طفرنـه كلنه وانصدمنه بـ ام زيـد متمدده على الأرض زيـد ركضلها حط راسها بحضنه ويضرب على خدها: يمةةة يمةةة تسمعيني

- وهيه لا صوت ولا نفس والبنات زادت بواجيهن: زيـد فدووه شبيهااااا امي

- باوعلي وصاح: شمسس بساعع عباه ركضت للكنتور اخذت عباتها ونطيتها اله خلاها على راسها وشالها وطلع

سمر بجي وصريخ: الله يخليك خليني اروح وياكم

- زيـد: يابه ماكـو شي امشن دخلن للبيت

سحبتها للبيت وانه اهدئ بيهن

استبرق ببجي: صوجنه صوجـنههه عفناها وطلعنه

- شمس: بنات صلوا على النبي مابيها شي صدكني هسه شوي ويجون ويكول زيـد مابيها شي

- سمر: ماددررررييي ولجن مادرررييي شلون عفتها انه صخام بوجهي اي ولله

حتاريت شلون اهدئهن وهنه كل ماجايهن يزيدن بالبجي

صعدت فوك واخذت جهازي ورحت اتصل على زيـد باوعت للأسم(سيدي المتمرد) اتذكـرت ذيج الايام وابتسمت انتبهت لـ انفسي وحجيت ويا روحي بصوت ناصي: اهـوووو شمس مو وكتج العالم يبجون وانتي تتبوسمين

اتصلت على زيـد اكثر من مره مارد خليت ونزلت يم البنات والجهاز وياي خفت يرجـع يتصل ومادري بي

- سمر: هاااا شمس عفيه طمنيني ماكو اخبار؟؟

- شمس: مايجاوب والله

- استبرق: يمةةةة ولجن خاففف بيها شييي امي

استبرق وسمر زادن بالبجي وحتاريت شسوي

صارت بـ11 وزيـد ماله صوت شكد اتصلنه ردناه يطمئنه ماكو والقلق زاد

صارت بـ11 ونص انفتح الباب ودخل زيد ويا امه كوا تمشي وهـوَ ساندها طفرن البنات وهنه يبجن: هااااا يمةةة شبيج كليلي شكالج الدكتور

هزت راسها بـ"ماكو شي"

- صاح زيـد: مابيها شي عوفنها ترتاح اخذها بيدها لغرفتها خلاها على الجربايه وهيه تباوعله وعيونها مدمعه باسها براسها وطلع رحت وكفت على راسها: الحمدلله على سلامتج عمه

- بصوت يطلع بصعوبه: الله يسلمج

اترخصت وطلعت بقن البنات يمها شفته كاعد بالصاله: زيـد شكال الدكتور

- زيـد: جلطه متعديه

- شمس: صخام منين اجتها

- زيـد: مادري المهم صيحي للبنات خليها ترتاح حيل تعبت