سيدي المتمرد

البارت الثاني

ـ سيدي المتمرد
ـ بقلم ريم محمد

- ‏ليتك كنتِ تعلمين كم هو منهكٌ مللي وضعفي، و كم من مجزرة يقوم بها عقلي، وكم من ثورةٍ تحدث في داخلي كل ليلة، كم أحتاج الهرب مني .
.
.
.

شمس : ها بويه اريد ...

دخل اخوي احمد يلهث ووجهه اصفر
احمد : يابه الحكك طلابه

جراح( ابو شهم) : وكف على حيله وكال ياستار شصاير ولك

احمد : يابه صكر متعارك ويه جماعه هوه ويزن وهسه صكر بالمستشفئ ويزن ماخذي الشرطه

شمس : (لطمت ع وجهي صخام الصخمني يوميه مصيبه جايبيلنه ذوله)
عزا بعيني احمد فدوه احجي صكر متإذي

احمد : مادري يلا يابه استعجل اني راح اخابر عمامي والحكم للمستشفئ

طلع ابويه مخبوص ويركض خايف هوَ وشهم واحمد طلع وراه واني ركضت لأمي الي موتت نفسها بجي خايفه ع صكر وروجينا واكفه على صفحه خايفه وايه حايره بـ رسل تبچي

شمس: مامه كافي بجي الله يخليج

زهراء(ام شهم): شلون يوم شلون لجج ماسمعتي احمد شكال اخوجج بالمستشفئ اكيد بي شي وليدي

كطعت كلبي بس تبجي وتدعي شكد حجيت مايفيد تقربت ايه ( زوجةة اخوي شهم) تحجي وي مامه

ايه بمحاولة تهدئ امي: عمه هدئي اسم الله مابي شي صكر لو بي شي لا سامح الله جان اجانه خبر وهسه اتصل على شهم يطمنه عنه

حجيت واني مأيده كلام ايه : يي يمه صح كلام ايه وهسه نتصل على شهم ونشوف

زهـراء(ام شهم): يي يمةة عفيه ستعجلن ولجن كلبي داب بي نار

شمس: صار يمه بس هدئي
ايه جهازج وين؟

ـ ايه( زوجةة شهم) : بغرفتي عفيه جيبي او انتي اتصلي عليه وحاجي رسل اليوم ماعرف شبيها بس تبجي

ـ شمس : تمام هسه اني اتصل روجينا تعاي وياي

ـ روجينا :جايه

رحنا اني وروجينا حاولنة واتصلنه اكثر من مره على احمد بس ميجاوب دب الخوف بكلوبنه وحتارينه شنكول لـ امي

واحنه طالعين اندك الباب ركضنه بخوف وقلق نشوف منو اجه

دخل ابويه وجدي وعمو جعفر وعمو امجد وجوهم مبين عليها القهر

- زهـراء(ام شهم): جراح احجي شبي وليدي

- جراح(ابو شهم): كُلشي مابي لتخافين طلابه حالها حال الطلايب الفاتن ماتعرفين ابنج وسوالفه يشتري الطلايب مشتره

- جدو(عبد الرحمَن): لتخافين بويه ابنج مابي شي بس رجله مرضوضه وكسر بـ ايده ويصير زين انشاءلله

- زهراء(ام شهم): يمةةة ابني ودوني اله
وبقت تبجي وتلطم مع محاولات فاشله حته نسكتها حجه وياها ابويه يلا هدئت وقنعت ميصير تروحله هسه ودخلت لغرفتها تكمل بواجي ولطم