سيدي المتمرد

البارت الحادي عشر

ـ سيدي المتمرد
ـ الكاتبه ريم محمد

لا تحبّني
الدنيا ما خَلتلي واهس وأرجع أهوى
الدنيا كسرتني بشكو ابن ادم گلت بَس هو يسوة
لا تحبّني
الدنيا اخذت حيف
كل ضحكة عشتها ولحظة حِلوة

ساعه 7:35 صباحاً

اجه يوم العرس ...

كعدت ع هوسه البنات يمي يكعدن بيه وانه موراضيه اكعد وكأنو جنت بـ حلم وماريد اصحى منـه

روجينا : لججج شمس كومي باعي الساعه لازم نروح للصالون حاجزين على سساعه 8 ونص وين نلحك بعد

شمس بضوجه : اهووو شلون واحد مينام

ايه : نامي بـ بيت رجلج مو هنا ديلا كومي عسريع هسه تجيج عمتي اذا ماكمتي

شمس : كايمه كايمه

كمت غسلت وبدلت لبست قميص وبنطرون علمود اسهل بـ نزع من البس البدله هه تمنيت هل يوم وي فارس احلامي واجاني زيد الحقنه خرب بحضي

لكيت البنات محضرات ريوك يمي اكلت شوي وكمت لبست شالي وعبايتي وروجينا جهزت نفسها تروح وياي ايه رادت تروح بس متإمن تعوف رسل يم ساره وامي ملتهيه بلخطار

اجه شهم خذانه طول الطريق مانطق ولا حرف انتبهتله جان كلش ضايج كل شوي يباوعلي بـ مرايه ويتنهد بـ حزن ويدير وجهه

دمعت عيوني شلون راح اعوفهم حته صكر رغم السواه وياي بس احس ماڪدر اعيش بدونهم لـو ابوي الي ماباوع بـ خلقي من يوم المشكله لسه

فزيت ع صوت روجينا

روجينا : هااا شمس بلشنه شكو تبجين

شمس : مابيه شي عيوني ادمع لأن نعسانه

روجينا وهيه تحاول تصدكها : اها خوش

وصلنه للصالون نزلنه ونزل ورانه شهم

باسني براسي وكال

شهم : كبرت ام لسان وصارت عروس

شمس بدموع : ماريد اعوفكم شهم

شهم وهوه يحاول يلطف الجو: جا شتردين تبقين يمنه هههه هاي سنة الحياة خويه يلا طبن هم يالله تلحكن ومن تكملن اتصلن عليه من ام الصالون

هزيت راسي بـ معنى تمام

طبينه اني وروجينا ولكيت هناك ام زيد وخواته شفت ام زيد يشتغلون بيها مكياج وغيرها ضحكت بكلبي عزا عجوز ومتكعد راحه بس بصراحه موذاك الكبر هيه وحليوه بس مادري ماعدنه هيج

اتلكتنه سمر بـ هلاهـل كلبت الصالون هلاهل ههه

سلمت على روجينا وحضنتني وكالت

سمر : الف مبروك مرت العزيز الله يتمم الكم على خير

ابتسمت مجامله : الله يبارك بيج