سيدي المتمرد

البارت الرابع

ـ سيدي المتمرد
ـ الكاتبه ريم محمد

⁣
- ‏ربما غدًا أو بعد غد، ربما بعد سنين لاتعد، ربما ذات مساء نلتقي في طريق عابر، من غير قصد.
⁣

.
.
.
.
شمس : خافن على روحجن انه طالعه

طلعت و وي طلعتي دخل اخوي وياه صديقه وصارت عيني بعينه

باوعت الصكر خازرني يمهه متت خوف دخلت اركض خايفه روجينا شافتني جتي تركض

روجينا : اسم الله لج شمس شبيج وجهج اصفر

شمس : صخام الصخمني ولج روجينا شيخصلني يمه ياربي ساعدني

روجينا : ياااا لج تعاي كعدي هاج كلاص ماي واحجيلي شبيج وكفتي كلبي

شمس حجيتلها كل الي صار

لطمت ع وجها وكالت : عزا بعينج شمس شراح يخلصج تدرين صكر ميتفاهم ابد هسه شيفهمه انتي مامتقصده

شمس : روجينا سكتي بربج راح اموت من الخوف شسوي حبابه كوليلي

روجينا : ماكو شي شمس هدي مادام ماسوه شي غلسي بلكي ينسه الموضوع

شمس : لج ماشفتي شلون خزرني يبس الدم بيه حته ماشبعت شوف من هاذه الحلو

روجينا : عزا بعينج شمس بيا حال انتي هسه وتكولين حلو صدك تحجين سكتي ليسمعج صكر ولله يذبحج

شمس: حبابه شسوي

دخلت علينه ايه كالت عمي والولد طلعو بقه بس صكر بـ ديوان وصديقه واحمد كال بس يطلعون خلي البنات ينضفن الديوان وطلع هوَ ويزن

شمس وروجينا : صار

شمس : ضليت خخايفه وماعرف شسوي ادري بـ صكر مايتفاهم شون راح افهمه موبقصدي طلعت

مرت ساعه ومانحس اله صكر دافر الباب كمت على حيلي بس ياحيل من الخوف كـوه وكفت رجل اطك برجل

-صكر وعيونة تريد تطلع من العصبيه: مو كلتتت جماعتي هناااا شمطلعجج؟؟؟

- شمس: ااااااا والله خوية ...
بعدني مامكمله وماحس بس سحبني من شعري وانهال عليه بالضرب رغم ايده مكسوره بس مادري منين جاب هاي القوه صارت هوسه وصريخ البنات ونسوان عمامي يردن يوخرنه بس ميكدرن واني احس روحي انتهيت

اندك الباب الخارجي للمطبخ توقعت واحد من عمامي او ولد العم لان كلهمم طالعين جانو فرحت وكلت راح يخلصوني منه بس طلع توقعي غلط

: صكر محتاجيين شي

امي خطيه بدون وعي فتحتله الباب

- زهراء(ام شهم)ببجي: يمةةة تعال الحك راح يموت بنيتيي

دخل بساع هذاك ماشاءلله طول وعرض شكد ماكول صكر طول وعرض هذاك اضخم منه ضل يحاول يسحب صكر واخيرأ وخـر صكر مني عرفت هـوه هذا نفسيته صديق صكر الماعرف حتى اسمه واني امنيتي الكاع تنشك وتبلعني من الفشله اخـوي اليضربني وغريب اليحميني منه؟؟احس الدنيا ضلمه وماحسيت بشي بعد