سيدي المتمرد

البارت الرابع عشر

ـ سيدي المتمرد
ـ الكاتبه ريم محمد

.
.
.

من طحِت وتراكمن
حِزني اعلى حِزني
محد تدنة وهِمس
موجود مَتني
وهو ليش
ليش ما ضل باله يمي
لا إشتاك ولا فگدني
مو چنت لمن حِزن
بعيُونه يطفح
نسهَر انه وگلبي
لعيونه ونغنِي..

.
.
.

جدي: احجي بويه شبيك

- صكر: جدي اريدك تخطبلي ...

اباوع لـ روجينا مباشرتأ رفعت راسها باوعت لـ صكر ونزلته

- جراح( ابو شهم): شنو بويـه حالف هل سنه تزوج

- صكر: شنو يابـه جنكم ماتردون تفرحون بيه

- جدي: لا يابويـه بس انته ذاك اليوم حلفت تعقل وتعنينه لـ عمك جعفر وخطوبة ماطولت اسبوع مادري شكد وفشلتنه كدام عمك وفصخت

- صكر: شنو جدي منو يخطب ويفصخ بعد مايتزوج؟؟

- جدي: جفنه شر السانك وكول اخطبلك انه لو اكـو وحده بالك؟

- جـراح(ابو شهم): صدك تحجي يابه ماتعرف صكر انته تريد تورط بت العالم وياه هيه بنت اخوي ما تحملته اسبوع

- جدي: هاي بويه ننطي فرصه ثانيه مابيها شي

- صكر: يابـه انه فهمتكم على سالفة فصخ الخطوبه وكلت اتفقنه على هذا القرار وفصخنه بعد عليمن هل حجي؟

- جدي: صكير عوف هذا الحجي وكلي اكـو وحده بالك لو اخطبلك انه

كلنه صافنين ننتضر رده وروجينا مانزلت نضرها من صكر تنتضر رده

- صكر: جدي اريد عواطف بت عمتي عنود

- نصدمنة من شوكت يريدها وهيج يريد يخطبها
وروجينا عيونها دمعت بس حاولت ماتبين بقت منزله رأسها واباوع لـ عواطف خجلانه ومنزله رأسها

- جدي: خير انشاءلله يابـه ناخذ رائي بت عمتك هنا واذا موافقه نمشي لبيت ابوها نخطبها

صكر هز راسه وجدي وجه كلامه لـ عواطف

- جدي: هاا بويـه عواطف مابيها مستحه كولي اذا تردينه لو لا

- عواطف هزت رأسها وكالت: موافقه جدو

- عمه عنود: بنيتي لـ صكر بويـه كبعوا واخذوا

روجينا حاولت تقاوم دموعها ماكدرت اترخصت وطلعت و انه كمت ردت اطلع وراها وجه كلامه جدي الي: شلونج بويـه شمس انشاءلله مرتاحه ويا رجلج

- شمس: زينة جدي الحمدلله

- جدي: الحمدلله بويـه اهم شي متفاهمين

هزيت راسي بـ ابتسامـه وترخصت وطلعت ورا روجينا

- شمس: روجينا وين وين صدك تحجين حتى ماشفتج