سيدي المتمرد

البارت العاشر

- سيدي المتمرد
- الكاتبه ريم محمد
.
.
.
‏كنتُ أحزن فحسّب، الآن أحزن وأخاف ، وليس هُنالك أرعب من أن تواجه شعوريّن ليس بمقدور أيّ مِنهما إزالة الآخر.
.
.
.

سلم على اهله وهوا مبتسم يتضاهر الفرح جابو الحلقات لبسته واني ايدي ترجف ودموعي تجري سحب ايدي بقوه يلبسني الحلقه حجه كلمه ضلت ترن بـ اذني جمدت من الخوف

زيد : جبرتيني اخلف بوعدي وانتي الي راح تتحملين النتيجه ........

جتي اخته تسلم عليه وانه حتى بالي مو يمها

- سمر بضحكه: شنو هاي شمس بالج من هسه راح بعيد منه هههه

انه بقيت اباوع مفهيه شبيها هاي

- ايه نتبهتلي وكالت: شمس سمر هاي ثالث مره تكلج الـفف مبروك ماسمعتيها

- جاوبت بفشله: يااا والله ماسمعتج عذريني ، الله يبارك بيج عمريي

عرفت البنيه الشفتها بالسوك من رحنه نحضر بخطوبة روجينا وصكر اسمها سمر

شوي وجتي امه واخته الثاني وعرفت اسمها استبرق باركن من وره خشمهن وراحن كلت عادي يمكن هنه هيج

شوي وكالت امه: عيوني خلوهم وحدهم شويه

وصدك الكل طلع وبقينه انه وياه ورفع عينه باوعلي من فوك ليجوه وحط رجل على رجل وكال: ورطتيني بيج بس لا بأس حلوه

حسيت بـ الأهانه منصدك وحسيت اريد ابجي بس مقاومة دمعتي ماتنزل كدامه ورديت بثقه: هه قصدك انته الورطتني بيك

- زيد: ديربالج تفلتين وياي بالحجي لان كل كلمة ماتعجبني بعدين ادفعين ثمنها

- شمس: شتريد تسوي سوي هاي اذا طلع بيدك شي تسوي وخاف عبالك صار هيج وما وراي احد وراي زلم تهز الكاع فـ لا تحاول تتماده وتهدد

- ضحك بـ استفزاز وكال: تدرين من البارحه ماضاحك وهسه ضحكت من كل كلبي

- جاوبت وانه مستمره اقاوم دمعتي ماتنزل كأنـو اعرف رده على هذا سؤالي: وشنو اليضحك حجيت نكته وانه مادري؟

- زيد: اليضحك تزامطين بـ اهلج وبـ الزلم التحجين عنهم ولا كـأنو امس دازين عليه وجابريني على بتهم هههههه

ماكدرت اقاوم دمعتي اكثر ونزلت ادركت كلامه صدك

باوعلي وكام قرب وجـه على وجهي وضلت انفاسه تضرب بوجهي وانه من الخوف حتى النفس كطعته وكال: ابجي على راحتج انه طالع مشه شوي وصحت عليه

- شمس: اوكف

- اندارلي بدون مايرد منتضر كلامي

- شمس: شنو المقصود بكلمتك الكلتها اول مالبستني الحلقه؟

- زيد قلص عيونه وهوَ يباوعلي وكال: ياكلمة منهن؟ اذا تذكريها كولي لان ناسي

- شمس: نتيجة شنو اتحملها ويا وعد تقصده؟