سم اللقى صدفه واسميه ميعاد

جيتك أمسي يامنى الروح بالنور

مطلق بعد مانام على احد الكراسي بممرات المستشفى صحى ووقف يتلفت ويشوف وين هو وكان مستغرب ليش هو بالمستشفى وهو ماكان يتذكر الحادث كان يمشي بالممر

والتفت على نور الي تناديه مطلق مطلق تعال امي تبيك تبي تتطمن عليك راح مطلق ورا نور اخته الثانيه
ودخلو غرفت ندى لقى امه جنب ندى جالسه وعنود نايمه على سرير بنفس الغرفه كان في سريرين

ام ندى : كيفك يامطلق انت بخير وش صار معك ومع الرجال الي كان واقف معك برا

مطلق : ذكرتيني ياامي نسيت ادخل رقم الولد بجوالي خليني ادق عليه عشان يعرف رقمي ومنها اسجل رقمه

ندى : التفت لمطلق مين هذا ؟

مطلق : هذا الي انقذك وكنتي بتموتين

ندى... كانت تناظر لمطلق وهي كل نظراتها علامات تعجب واستغراب بس تذكرت ركضته لها وكأنه يقول
-
جيتك أمسي يامنى الروح بالنور
وأقول ياخلي هلا و كيف حالك
‏يالله عساك بخير طيب ومسرور
‏ويالله عساني مانحرم من وصالك
-
وهي تبتسم ابتسامه خفيفه وتلاشتها عشان محد يلاحظ عليها

-

نواف : فز من رن جواله للمرا الثانيه وشاف الرقم غريب استغرب ولكنه رد وقال يامرحبا يابعد حيي أمرني

مطلق : كان حاط اسبيكر الكل يسمع صوت نواف

ندى : قلبها بدا يدق بسرعه من سمعت صوته وكيف الكلمه حنونه وهو يقول " يابعد حيي أمرني "

مطلق : ابتسم وهو يقول يابعد حيي انت عرفتني

نواف : ارحب يامطلق ارحب وهو يقول بنفسه كيف مااعرفك واختك هي ضوء مستقبلي

مطلق : تبقى يامرحب وشحالك يانواف وش انت عليه

نواف : ابد والله من طلعت من عندكم من المستشفى رحت قريب من المستشفى واخذت لي غرفه في أحد الفنادق عشان انام وان شاءالله بكرا ارجع لأهلي

مطلق : هو انت صادق في فندق قريب من المستشفى

نواف : اي فيه ارسل لك الموقع مطلق رد وقال اي عشانهم مابيخلونا بالمستشفى كلنا...

-

راح نواف ارسل لمطلق الموقع ونزل للأستقبال سلام عليكم ابي غرفتين وصاله جنب غرفه رقم 202 وهو يدفع حساب الأجار ويرجع لغرفته
انسدح على السرير وجالس يفكر بندى طول الوقت

-

وكان يسمع صوت باب الغرفه الي مقابله واللي هي غرفت مطلق وامه ونور وعنود وده يفتح الباب ويسألهم شصار على ندى ولكن كان بكل قدرته يحاول يتملك مشاعره لا تتغلب عليه

"""" البارت السادس """"
-
-
-