سم اللقى صدفه واسميه ميعاد

ودي اعترف لها

ندى : كانت منسدحه على السرير وماجاها النوم
عكس عنود الي دخلت بأعماق النومه وتو مالها خمس دقايق منسدحه
فزت ندى من الرساله الي جتها على الساعه 12 منتصف الليل
" وكانت رسالة نواف "

-
اخذت ندى جوالها وهي متردده ترد او لا واستغربت الرقم غريب شلون يرسل لها هالأغنيه !!
راح عن بالها نواف وقالت مستحيل يسوي كذا اساساً

-
نواف : شاف انو ندى فتحت رسالته وكان متوتر لأبعد حد ماوده تبلكه ووده يصارحها بكل مشاعره عجز يتملك نفسه كافي سنه كامله ولا قدر يتخطاها ولا ينساها وجمعتهم الصدفه للمرا الثانيه كيف بيقدر ينساها هالوقت عجز وكان يفكر فز من وصلته رساله من ندى وكانت كاتبه
' هلا مين معي ؟ '
رد نواف وهو يقول : معك الدكتور نواف ياندى
فزت ندى من قال اسمه وكانت تحاول تبين انها ثقيله اوبد ماتخضع لشعورها وقالت : اهلين دكتور وش تبي ؟

ابتسم نواف على كلمتها وكان وده يقول :

ابي وصلك ‏يالعشيق الاول والاخير
‏ يوم الزمن غلط غلطه وسمح بفرصه ثانيه
بالوصل بيني وبينك ‏صدقيني انا راضي فيك
لو‏الزمن طال وتغيرت احوالك
‏بس اخاف تشمت فيني وتشمت العذال فينا
‏ابي اتأكد انك لي جيتك ‏دخيل وقلبي
‏ بين ايادي ماتكسر بخاطري
‏انا عشيقك المنتظر‏ شوفتك ‏لحين الممات
-
رد عليها نواف وقال عندك وصفه ثانيه نسيت اعطيك ايها
لازم ترجعين للمستشفى وتقولين ابي الدكتور نواف عشان تجين مكتبي وانا اشرح لك مدا علاجك واطبع لك الوصفه تستلمين علاجك
-
نواف كان يكذب علاجها هو اول وصفه عطاها فقط ولكن متشفق لشوفتها وراضي لو يجلس مقابلها سنين وسنين اهمشي ماتغيب عن عينه

ندى : ان شاءالله الحين راح انام وراح امر العصر بكرا عشان رحلتي ماتفوتني

نواف : الله يوفقك وتمام انا انتظرك بالمكتب على الساعه 3 العصر

انتهت محادثتهم بموادع وقفل جواله نواف ينام وندى كذالك نامت
-
بالجنوب تحديداً عند ام ندى ومطلق ونور ببيتهم
صباح اجواء الشتاء وكانو جالسين بالحوش وام ندى تجهز الفطور لهم
نور كانت تسولف لمطلق ومطلق يسولف وفجاه تذكر اخته و بنت خالته قال خليني ادق على عنود وندى اشوف وش سوو ووش ما سوو
اخذ جواله مطلق وهو يدق على جوال ندى وردت عنود عشان ندى كانت باقي نايمه
عنود : اهلين مطلق
مطلق : ياهلا فيك كيفكم وش مسوين وكيف الرياض معكم
عنود : الحمد لله تمام ورحلتنا المغرب وبنجيكم انا وندى
ماطول مطلق وقال... الله يوفقكم وانتبهو لأنفسكم
عنود : ابشر ولا يهمك قفلت
وهي ترجع على جوالها كانت تمشي بكسبلور الأنستا وشافت صوره لشخص كان وسيم مرا وفيه كل علامات الجمال وكان دكتور وباحد مستشفيات الرياض بعد
ابتسمت عنود وكانت تقول ما شاء الله وش ذا الوسامه الزايده
-
سمعتها ندى وهي صاحيه بس مثلت انها نايمه
ابتسمت ندى وهي تقول ما شاء الله على بنتنا الخفيفه بشري من سرق قلبك
عنود انخرشت وكانت تحاول تغير الموضوع لحول ياندى يعني اذا شفتيني ابتسمت وعلى الجوال هذا يعني حبيت احد ولا وشو

ندى : سمعتك يالحب لا تحاولين تخبين عني شي ترا الي يحب يوضح من عيونه

ناظرت عنود ندى وقال اي سبحان الله نفس نظرات دكتور نواف لك امس حسيت الحب واضح بعيونه
انصدمت ندى من كلام عنود وقال وش ذا الكلام ياعنود هذا دكتور وكان يشتغل شغله وشفيك عنود : مافيني شي شدعوا لا يكون طلعت صادقه وانا مدري
-
تجاهلتها ندى وراحت تغسل وجهها وتتوضأ وتصلي الفجر
سلمت واخذت جوالها تتابع كم شي فيه وكانت بس تفكر معقوله دكتور نواف يحبها صدق كيف كذا عنود قال واضح من عيونه الحب وتسأولات غريبه عجيبه قطعت تفكير ندى عنود وهي تقول ندى ندى

انخرشت ندى : شفيك انتي ماغير تخرشيني
عنود : رحلتنا حول المغرب نبي نتمشى
تذكرت ندى نواف يوم قال لها في وصفه نسى يعطيها لازم ترجع لها

التفتت ندى على عنود وهي تقول عنود امس دكتور نواف رسل لي
تغير وجه عنود وقالت خير ان شاءالله وش رسل لك !!!

ندى : مارسل لي شي غلط شفيك انتي لا بس قال انو نسى يعطيني وصفه ثانيه ولازم ارجع عشان يقول لي مدا علاجها ويطبع لي الوصفه

عنود : اها طيب مافي مشكله نروح بس الحين الساعه 12 اذا اذن الظهر نصلي ونروح مطعم ونرجع للمستشفى

ندى : تم

-
عند نواف :
صحى نواف وكان طول الوقت مبتسم انه بيشوف ندى مرا ثانيه
التفت لجواله واخذ يشوفه لقى رساله من مشعل كيفك يالدكتور البطل
علمني الموظف بكل الي صار صدق انك محزم وماينخاف عليك حليت مكاني
رد نواف : شدعوا يامشعل مابيننا وانت اعز اخوياي وانت تعرف اذا ماحليت مكانك احل مكان مين
مشعل : الله يديمك لي يارفيقي
نواف : امين ، اشوفك بالمكتب مشعل : تم قربت من المستشفى اساساً
-
وصل مشعل المكتب وجاء بعده بخمس دقايق نواف وجلس بمكتبه نواف ومشعل جاء لمكتب نواف
نواف كان متردد يقول لمشعل بس قال له الصدق : مشعل تدري ندى بتجي اليوم بعد كذبت اني ابي اعطيها وصفه نسيت اعطيها ياها وبترجع تجي اليوم
مشعل انصدم وهو يشوف الرساله وقال : كيف تكذب عليها منت صاحي واذا وصلت هنا وش السوات كيف بتدبر لها وصفه ؟؟

نواف : ياخي مدري احس اني بعترف لها بمشاعري كلها تعبت اخبي

مشعل : امسك نفسك ياخوي لا تجيب العيد انتبه بس قول لها انك غلطت وطلعت وصفتها صح بس لخبط بينها وبين مريض ثاني ومنها تشوفها وخلاص اما اذا تبي تعترف لها روح اخطبها وفكنا انت ومشاعرك
نواف : والله كلامك فطين ماعرفتك
مشعل : افا عليك انا تحت خدمتك ❤️
-
عنود وندى ...

"""" البارت العاشر """"
-
-
-