سم اللقى صدفه واسميه ميعاد

وكل ما ناظرتك ألقى وجهك أجمل

ابو نواف ركز على نواف وهو يفكر
ودق كتفه : وشفيك ؟
نواف : سم
ابو نواف : قلت لك وشفيك ماتسمعني بعد ؟
نواف : ابد مافيني شي الله يطول بعمرك
مطلق : الا من دخلنا هنا وضعك اختلف
نواف : شدعوا قلت لكم والله مافيني شي !
حمد أبتسم : تصير الهواجيس والتفكير الي على الاكل شي ولا فالخيال بس ياترا وش تهوجس فيه وغمز لنواف
ابو نواف : وراكم بلا شكلكم
افا وش من بلا ورانا وضحكو ...
-
سرعاناً ماراحت ندى لغرفتها عشان مااحد يشوف توترها ويشك خافت مطلق يعرف بشي لأنها ماكانت لابسه لبس ساتر بالمرا بحجة انه مافي عيال وكلهم نساء
قاعده تفكر بحل لو مطلق عرف كيف بتقول له راحت تغير فستانها على طول ولبست اسود اكمامه طويله ولكنه من نفس النوع من قماش وماسك على الجسم
-
راحت تغسل يدها وتمسح على وجهها وجتها
عنود : وينك انتي !!
ندى : كنت بغرفتي ويني يعني
عنود : وجهك مايطمن المهم خالتي تدور عليك وقالو تنزلين تاكلين ماباقي الا انتي مااكلتي
ندى : يلا كلنا ننزل
نزلو وراحت ندى ترفع الاكل وتنظف
ام نوف : كانت عيونها ماتفارق ندى وقعت فيها وحست انها البنت المناسبه لولدها الوحيد واللي هو نواف
ولكن كانت تحاول تجهل نظراتها عشان لا توضح لأنهم جاينهم زياره وبرضو مطلق عزمهم ماجو عشان يخطبون
-
او شي كانت تقول بخاطرها ان شاءالله مرا ثانيه
التفتت على نوف الي على جوالها ودقتها نوفف
انخرشت نوف شفيك ماما خوفتيني
روحي ساعدي ندى عقدت حواجبها نوف ؟ كيف تساعدها وهم ضيوف بعدين ناظرت امها ونزلت نظراتها وابتسمت تتذكر كلام نواف عن ندى راحت نوف وهي مبتسمه لندى وقالت : يحبي اساعدك بشي
التفتت ندى على نوف : لا يعيوني ارتاحي
نوف الا والا بساعدك خلاص مايعتبر حنا ضيوف اعتبرينا قرايب اكثر
-
اختلف وجه ندى وحست الموضوع فيه شي يعني شلون كل هذي الاحداث ونصها مو مفهومه وتحس راسها بينصرع من كثر ماتحاول تجمع الاحداث وترتبها
نوف لاحظة على ندى وقالت : يعني اقصد اعتبريني اختك وخلينا ندق ميانه وبلاش رسميات شرايك
ندى : رايي من رايك وأبتسمت
نوف بنفسها : الله والإبتسامه الي تشلع القلب من مكانه هذي وانا بنت وثقيله اجل وش اقول عن اخوي لو شافها وابتسمت بوجهه ذي الابتسامه
عنود : يالخايسين طلعتو هنا
ندى : اي شوفت عينك قاعدين نرقص هنا شوفي وش قاعدين نسوي بس
عنود تنادي نور وجت وقالت عنود : اسمعو وش رايكم نخلص من المطبخ ونطلع الحوش نحلي لنا جلسه حلوه ونروق
كلهم : تم
-
مطلق ونواف الواقعين بالغرام نواف من الحاسه الاولى من لحظات ماوقعت ندى بيده وهو شايلها وكانه شايل روحه لأنقاذها
واما عن مطلق برضو من اول صدفه وكيف كذا اخذت قلبه بسرعه بالعاده كان يقول ماراح يتزوج ولا في احد جايب راسه
ابو نواف وحمد كانو يسولفون واستاذن حمد بحجة بيطلع يدخن بالحوش العم ابو نواف : تم بس انتبه ياولدي والله مهوب زين على صحتك

' عند البنات '
عنود راحت تدور بالمستودع فرشتهم وماكانت لابسه طرحتها ولا عبايتها ومن ثم طلعت وراحت حطتها بالحوش وماركزت على حمد الي جالس بعيد عنها شوي ويناظرها بكل تأمل وحب وهو يدخن
نزل نظره وقال
-
كل ما صديت أشوف أنك جميلة
وكل ما ناظرتك ألقى وجهك أجمل
-
رجع للمخيم والبنات الي عدلو جلستهم بالحوش وحطو حاجز بينهم وبين المخيم عشان مايلبسون طرحاتهم ويطفشون
شغلو بشاشة البلوجكتر اغاني وندى كانت جالسه تسوي لهم قهوه سوداء وجابتها لهم وراح الوقت وهم يسولفون ويضحكون وطاحت الميانه بينهم وكل واحده اخذت رقم الثانيه
ندى سمعت مطلق ينادي وقصرت صوت الاغنيه وكانت ترد عليه وقال لها كلمي اهل ابو نواف بيروحون تمام
ندى : ابشر
دخلت وهي تنادي على ام نواف كانت تقول لها خاله من باب الاحترام
نادتها وبدات لحظت الموادع كانو يسلمون على بعض واخر سلام كان بين ام نواف وندى اول ماوصلت عند ندى ام نواف ابتسمت وقالت ان شاءالله لنا لقى ثاني
ندى : بأذن الله ❤️
وطلعو
كانو بسياره وراجعين لبيتهم ...

"""" البارت الرابع عشر """"
-
-
-