صباح الثلاثاء وصل ابو ندى عبدالرحمن
قامت التراحيب والأحضان المشتاقه بلهفه ندى كانت البنت الكبيره ودلوعت ابوها حضنت ابوها وينك يبوي هالمرا طولت علينا اشتقنا لك
ابو ندى : لا تقولين اشتقتو لي والله انا الي اشتقت لك
وجيت على اخبار تسرني وتبهج خاطري وبنفس الوقت حزين مابي الفرقاء من ناحيتش بذات بس الله يوفقش التوفيق الطيب يابنتي الكبيره الي راسي شامخ ومتعالي لا قالو ندى بنت عبدالرحمن افتخر بسمك
ندى : استغربت من كلام ابوها شوي وبخصوص انها باقي ماتعرف بالموضوع والخطبه وان نواف واهله بيجون الخميس يخطبونها تفاجاة
ونطقت : ابوي كيف اخبار تسرك وتبهج خاطرك وماتبي الفرقاء من ناحيتي بذات ؟
-
عبدالرحمن : بقول لش بس تعالي يم الفطور يلا بنتكلم عن الموضوع بالكامل
ارتبكت ندى : ولكن قالت سم وتم
راحو للمخيم الجوهره وعنود ونور جهزو الفطور وحطوه
وكلهم جلسو على الفطور وبدو يفطرون ويسولفون وبعدها صرح عبدالرحمن ابو ندى بالموضوع وقال انو في ناس جاين يابنتي يوم الخميس بأذن الله بيخطبونك ولكن ماعطيناهم العلم قلنا الشور شور البنت والرأي رأيها وحنا نبي رايك بكل صدق شوفيه جاك ابن حلال طيب اجودي ورجال كامل والكامل الله بعد دكتور والخير واجد عنده الله يرزقه اضعاف واكيد عرفتي اسمه مايحتاج اقول
ندى : نواف ؟؟؟
عبدالرحمن : ماشاءالله عرفتيه على طول اصدميني وقولي لي تحبينه انتي بعد وضحكو
ندى : تلعثمت بستخير وبرد لكم خبر
ابو ندى : مااضغط عليك خذي راحتك
تركتهم ندى وراحت لغرفتها كانت تفكر وتفكر
ودخلت عليها عنود : عشتو قلت لك الحب باين بعيونه ماكنتي تصدقيني
-
ندى : عنوووددددد ماتوقعت ولا واحد بالميه رغم انه في صدف واجد بس ماتوقعت ابدا يترك كل اهله ويجي لعندي وبعدين كيف انتظر طول هالسنوات والشهور والاسابيع والايام وكيف عرفني وهو بس انقذني يوم الحادث وبعدين صارت الصدفه بعد مرور اعوام كيف عرفني وقتها وكيففففف مانسى اسمييي من وقتها !!!
عنود : مستحيل لو حبيتي شخص وتعلقتي فيه تنسينه بسهوله وبخصوص لو كان حب من اول نظره وانا صراحه اتفق مع هالمقولة كثيررررر
ندى : خايفه
عنود : من وش تخافين ماشفتي امه كيف تحبك واخته بعد وهو اكيد يموت فيك ولو مايحبك ماسوا المسحيل لجلك والحين شوفيه يبيك بالحلال لأنه صادق معك من البدايه كان لقاكم كله صدف وربي بيجمعكم الحين بالحلال ها وش تقولين موافقه ؟
ندى : بستخير وبرجع انزل اقول لبوي ولكم
عنود حضنتها : نصيبك وجاك عاد ماينرد الله يتمم لكم على خير احلى عروسهه صدقينيي يلا برجع لهم
ندى ابتسمت وراحت ورا عنود تقفل باب الغرفه
وراحت تصلي صلاة الاستخاره وتدعي
-
ابو ندى : يامطلق دق على اهل نواف قول لهم اليوم ابوي توه راجع من دوامه ومسوي عزيمه يبيكم تجون وروح انت وحمد شوفو الأبل وعدلو المخيم وركبو بالحوش لمبات
مطلق وحمد : سم وابشر
اخذ مطلق جواله يدق على نواف ويعلمه
نواف كان توه ماخذ له شور وطالع فجاه يرن جواله
اخذ الجوال يشوف مين المتصل وتفاجأ انه مطلق ارتبك يقول لو صار شي ولا شي
رد : ارحب يامطلق ارحب
مطلق : تبقى يالنسيب تبقى
فز نواف من كلمة مطلق والي هي يالنسيب وقال : وافقو؟؟؟
مطلق بضحك : شفيك انخرشت والله قالو بيصلون استخاره ويشوفون
نواف : الله يكتب الي فيه الخير
مطلق : الا ماقلت لك ابوي توه راجع اليوم من الشمال وعزمكم وقال اكلمك انت واهلك تجون
نواف : ان شاءالله ولا يصير خاطره الا طيب
مطلق : بتوفيق قفل مطلق من نواف وشوي دق خالد
ورد مطلق ارحب ياخلودي ياعمري ياحياتي
خالد : استرجل علامك
مطلق : يعني عشان قلت لك ياعمري ياحياتي صرت ماني برجال افا ياخلودي
ضحك خالد : والله مو منك من الدلع المهم تعرف ليش دقيت عليك
مطلق : وش لا ناسي
خالد : عشان نواف سألت عنه اليوم
مطلق : اسلمم وويش صار معك
خالد : ماصار الا كل علم طيب والكل يمدح فيه وعز الله نسيب يقدح وكلن يتمناه لبنته
مطلق : والله ونعم فيني وفيه وفيك
خالد : اي بعد ترانا جاين لا تنسونا بنجيكم يوم الملكه ان شاءالله
مطلق : يامرحبا والله الدار مشتاقه لهلها وجداً
خالد : والله انا الي مشتاق للدار ولكم جداً
قفلو من بعض واتجهو مطلق وحمد ينفذون مطلب عبدالرحمن ابو مطلق
-
بصاله بتحديد عند الجوهره وعبدالرحمن مع نور وعنود
نزلت ندى وهي متوتره
اول ماشافها ابوها قال :
YOU ARE READING
سم اللقى صدفه واسميه ميعاد
Random' اول روايه اكتبها بخيالي وتعتبر بدايات ومنها الاعلى ❤️ ' روايتنا اليوم عن عائله خفيفة النفس لا تكلف على احد ولا تضر احد احد عيال هالعائله البنت اسمها ندى تبلغ من العمر 23 عندها اخ اصغر منها بسنتين وعمره 21 عندها اخت كمان اسمها نور وعمرها 18 وباق...
