سم اللقى صدفه واسميه ميعاد

Part 17

نرجع لنوف بعد مارسلت لها ندى رقم امها
اخذت جوال امها تسجل رقم ام ندى وتعطيها الجوال سمي يايمه هذا ووصلك رقم ام ندى وعاد انتي اختاري الوقت المناسب الي تكلمينها فيه والله يوفقك يااخوي احبك يااحلى عريس قادم
-
ام نواف رجعت لغرفتها وكلمة ابو نواف بالموضوع كله
وقال تدق على ام ندى ويحددون الموعد ومتى يجون

دقت ام نواف على ام ندى
ام ندى : ياحي هالصوت ياام نواف وينتس ووين الغيبه عننا
ام نواف : عندنا علم وننتظر الموافقه منكم
ام ندى فهمت على طول بس قالت : وشو العلم قوليه اسمعك
ام نواف : والله ياام ندى مدري من وين ابدا انتي تعرفين نواف ولدي الوحيد ودكتور وكامل والكامل الله وماناقصه الا بنت الحلال وانا قلت قربكم أولى وحبيت اكلمك واشوف الموافقه منك ونتفق على اليوم الموعود واحنا حاظرين باللي تبونه بأذن الله نبيض وجهكم واذا حبيتو تسألون عن نواف اسألو عنه اللهم لك الحمد سمعته حلوه وماامدحه عشاني امه لا والله هذاني قلت لك الصدق وانتي ورايك وعاد الشور شور البنت ورأي رأيها
ام ندى : مابنلقى احسن منكم ولكن بنسبه لي اقربو حياكم الله واشوف الوقت المناسب الخميس مابين اكلم اخوها وابوها بيرجع من سفره الثلاثاء وانتو تجهزون وضعكم بأذن الله تتيسر
ام نواف : الله يطول بعمرك والله يتمم لهم على خير
ام ندى : اللهم امين بحفظ الرحمن
-
قفلت ام ندى على رجعت مطلق وحمد من الأبل
وقررت تروح تقول لهم وتخليهم يسألون عن نواف بالرياض وتستشيرهم هم بعد عن الموضوع وتكلم زوجها ابو ندى المغترب عنهم بسبب عمله ووظيفته اللي بشمال وهم بالجنوب
{ بعرفكم على العائله كلها بالأسماء والاعمار ومختصرها بقول لكم كل الي بروايه الي كانو من بداية الروايه والي عرفناهم مع تكملة الروايه }
الابطال
ندى بنت عبدالرحمن / العمر 23
نواف بن راجح / العمر 25
الاهل
ام نواف - الريم / العمر 38
ابو نواف - راجح / العمر 43
-
ام ندى - الجوهره / العمر 35
ابو ندى - عبدالرحمن / العمر 41
-
الاولاد
مطلق بن عبدالرحمن / العمر 21 الحاله : اعزب
نيّاف بن ناصر / العمر 25 الحاله : اعزب
حمد بن عبدالله / العمر 23 يتيم الاب والام عايش مع عمه ابو مطلق الحاله : اعزب
مشعل بن عبدالعزيز / العمر 26 الحاله : اعزب
بهاج بن محمد / العمر 30 الحاله : متزوج
بدر بن محمد / العمر 29 الحاله : متزوج
وباقي عيال عم مطلق الي مايجون الديره الا بالعياد
-
البنات
نور بنت عبدالرحمن / العمر 18 الحاله : عزباً
عنود بنت سعود / العمر 20 يتيمة الام والاب تعيش مع خالتها الجوهره ام ندى الحاله : عزباً
نوف بنت راجح / العمر 21 الحاله : مخطوبه
بعد باقي بنات خالات وعمات ندى ونور الي مايجون الديره الا بالعياد
-

' نكمل '

الجوهره راحت تكلم مطلق وحمد بالموضوع وانه نواف تقدم لندى وتبيهم يسالون عنه برياض
اخذ مطلق جواله يدق على ولد عمه خالد بن فهد عمره 27 يسكن برياض
رد خالد : ارحب ارحب ياابن عمي وين الغيبه
مطلق : وين الغيبه انت يبوي مالكم حس ولا خبر ولا ماتجون الا بالعياد وبعدها تسحبون علينا
ضحك خالد : افا عليك عاد كنا مخططين نسوي لكم مفاجاه بس خربتها يوم اتصلت وانا تعرفني مقدر اسكت لازم اعلم
ابتسم مطلق : والله دقيت ابيك تنفعني بعلم
خالد : احتزم وشنهو
مطلق : في واحد اسمه نواف بن راجح دكتور بحد المستشفيات برياض تقدم لندى وابيك تسال عنه عندكم لأن ماعندي وقت اجي ومالقيت الا انت ابن عم وعزيز وغالي اسال عنه ورد لي العلم
خالد : ابشر ابشر بأذن الله بكرا افر كل مستشفى واسأل عنه
مطلق : لا عدمتك يارفيقي
خالد : ابد ازهل
قفل مطلق والتفت لحمد وامه
عشنا وشفنا بنتنا بتتزوج من دكتور
ضحكو والتفت حمد عقبالك تاخذ الي ببالك
الجوهره عشتو مين الي بباله انخرش حمد وماعرف وش يقول ولكن رد مطلق : محد في بالي يايمه حمد يتخيل واجد وده بزواج ويحسبني نفسه
ام ندى : ايه زين خلو عنكم هالمواضيع وتجهزو من الحين مافي وقت خلاص ابوك بيرجع بكرا وبنعلمه بالخبر وبنستقبلهم الخميس بأذن الله
مطلق : ابشري
طلعت ام ندى من المخيم
والتفت مطلق على حمد يالنكبه كنت بتفضحني تراك
حمد : معليك تحمست شوي ياخوي وضحكو ...

"""" البارت الثامن عشر """"
-
-
-
حساب الكاتبه انستا 7wao