سم اللقى صدفه واسميه ميعاد

-

صبح الساعه 7:00
ندى صحت من نومها وكانت طفشانه ودها تسولف على احد وودها تطلع على الاقل تتمشى بحدايق المستشفى شوي ولكن الممرضات كانو رافضين

عند نواف :
الي توه هو بعد يصحى من نومه اخذ جواله يشوف الساعه كم وراح دخل دوراة المياه " الله يكرمكم "

اخذ شاور وطلع وهو ينشف شعره بالمجفف وكان يتخيل لو ندى زوجته وهي الي تجفف شعره وتقبله قبل يروح اي مكان وتستودعه خرب تخيلاته مطلق الي دق عليه الباب وانخرش راح

يركض للباب وهو ماعليه الا المنشفه اللي كانت محاوطه خصره والثانيه حاطها على رقبته فتح الباب وابتسم بوجه مطلق ضحك مطلق وقال : لا يكون ازعجتك وانت مستكن ولا شي

ضحك معه نواف وقال : تمون على الرقبه يا بعدي مين قال انك ازعجتني وبخاطره يقول " اي والله قطعت تفكيري وبالي الي سارقته اختك بدون محد يدري "

-

تنحنح مطلق وقال يالحبيب وش تفكر فيه وين وصلت بسوالف انخرش نواف وابتسم وحاول يغير الموضوع وقال : فطرتو ولا باقي ؟

مطلق : لا والله مافطرنا انا كنت جايك اسألك تبي فطور معنا ولا لا

نواف : سلمت يابعدي لا مابي يمكن اروح اقرب مطعم وبمشي لأبوي وامي اخاف اتأخر واجد ويخافون علي

تقدم مطلق وحضن نواف وقال : الله يوفقك ومعروفك مابننساه وبأذن الله ارد لك جميلك ودعه مطلق وراح

-

ابتسم نواف وهو يسكر الباب ويقول والله ان كان تبون لي معروف ف مابي منكم الا بنتكم بالحلال وشرد فكره

وصحصح وكان يكلم نفسه وقال : وراك يانواف لهدرجه خفيف بالمرا اسرقت فكرك ونهارك ولليلك بنت ماتعرف اسم ابوها حتى شايلها من على الارض ومسعفها لمستشفى الواضح انك طحت وماسميت على نفسك

-

عند ندى... كانت تحس ان نواف مشاعره صوبها من نظراته الي بكل لهفه وحب كانت من على قزاز ولا قدر يوصل لها

مشاعره وهي حست انها بدت تتعلق فيه وقطعت تفكيرها وهي تقول " انتي ياندى ماتعرفين عنه شي ليه بديتي تتعلقين فيه "

زفرت وفزت مخروشه من انفتح الباب وخافت لو احد سمعها لأنهم اهلها مطلق وامها واختها نور وبنت خالتها عنود

تصنعت الابتسامه لوجودهم ولا يشكو بوضعها
تقدم مطلق : يعطيها الاكل و وياخذ اكلهم ويحطه بالارض والكل كان ياكل وكانو يسولفون على ندى...

"""" البارت السابع """"
-
-
-