سم اللقى صدفه واسميه ميعاد

10

عنود وندى وصلو المستشفى وسألو من مكتب الدكتور نواف
راحو بتجاه المكتب دقو الباب ودخلو
عنود : انصدمت من شافت الدكتور مشعل !! كانت تقول بنفسها والله انه هو والله هو
' تقصد الشخص الوسيم الي لقت صورته بكسبلور الانستا '

ندى : معليش لا يكون ازعجناكم وانتو عندكم موضوع مهم

مشعل : لا لا تفضلي اجلسي عند الدكتور نواف وصاحبتك تجلس برا او بمكتبي الي يريحها 
' بالسان الفصيح ' مشعل اعجبته عنود لكن كان يحاول مايبين شي وراح لها يقول لو سمحتي يااختي..
 
عنود كانت ساكته وتناظر بتعجب انخرشت من قال مشعل لو سمحتي يااختي
قالت سم يادكتور...؟ قال : دكتور مشعل دكتور مشعل تفضلي معايا مكتبي لين تنتهي صديقتك اذا تبين
-
عنود كانت تمشي برعب شلون صار كل هذا بلمحة البصر وكيف الشخص الي فعلاً اعُجبت فيه من صوره قابلته بالواقع !

راحت مع مشعل مكتبه لين تجيها ندى
مشعل : تفضلي اجلسي
جلست وقال مشعل : وش تشربين ؟

عنود كانت مستحيه ومتوتره بنفس الوقت وقالت : الي يعجبك

-
عند نواف وندى
كان نواف بيتكلم بخصوص وصفتها الغلط
وقال معليش ياندى انا ... قاطعه جواله من رن والتفت يشوف مين المتصل وطلع ابوه
اخذ جواله يرد : لبيه ياابوي
ابو نواف : وينك ياولدي ابيك تجيني ضروري امك تعبت فجاه
نواف : وينكم الحين بالبيت ؟
ابو نواف : اي بالبيت نواف : يلا خمس دقايق واجي
قفل نواف وهو يلتفت على ندى وقال : استاذنك
ندى : وشفيه ان شاءالله خير ؟ نواف : خير خير ان شاءالله بس ضروري اطلع الحين 
-
طلع نواف مستعجل ودخل مكتب مشعل بدون ما يدق الباب
مشعل : بسم الله شفيك انت طاير كذا
نواف : مدري وش اقول لك بس قول لندى الي قلت لي عندي ظرف وبطلع
عنود : استغربت وش يقول نواف لمشعل وايش جاب طاري ندى بموضوعهم وكيف نواف كذا متوتر

طلعت عنود من عندهم وهي تركض لندى وتسألها وش صار لك ؟ ندى : شفيك ماصار لي شي بس نواف مدري شفيه طلع مستعجل ولا قال وشفيه او وش صار بس اتصل عليه ابوه وراح بسرعه

عنود : سمعته يقول لدكتور مشعل يقول لك الي قال له مدري شلون وضعهم غريب
ندى : بدت تتوتر وقالت خلينا نروح نشوف وش فيهم
-
توجهو يشوفون وش السالفه عليه ومالقو الا مشعل اما نواف طلع من اول ماراحت عنود لندى
وصلو عنود وندى لمكتب مشعل
والتفت مشعل عليهم من جو له وسأل
مشعل : شفيكم
ندى : مافي شي بس ممكن تقول لنا وش صار مع نواف

مشعل ابتسم ان ندى كانت مهتمه لنواف كذا ولكن تلاشت ابتسامته بسرعه عشان لا يفهمونه خطأ
وقال : لا بس عنده ظرف ابوه اتصل عليه وقال له ان امه تعبت فجاه ولازم يروح لها

-
ندى برعب : ان شاءالله امه بخير
ندى كانت بتطلع وقفها مشعل وهو يقول ياندى نواف قال لي اقول لك...

التفتت ندى وهي مرتبكه وقالت : وش قال لك نواف تقول لي وش !!!!
مشعل : ابد بس قال لي اعتذر منك لأنه قال لخبط بينك وبين مريض ثاني كان عنده وصفتين ويحسبها انتي

ندى : اها معذور والله يوفقكم ' ندى بنفسها مااقتنعت من عذر مشعل لنواف بس حاولت تمشي كلامه وتصدقه ' 

-
-

وصل نواف عند ابوه وكان معه ابرة السكر عشان يعطيها امه...

مشعل كان يفكر كيف يصارح عنود او حتى يتواصل معها
وهمس بينه وبين نفسه بقول لنواف ونشوف حل لمشاعرنا الفياضه

عنود وندى..
كانو ينتظرون بالمطار رحلتهم
ندى : كانت شايله هم ام نواف بعد ماعلمهم مشعل
وودها تتطمن

اما عنود كانت تفكر بمشعل وتتخيل شكله كيف عنده دقن خفيف وشعره كثيف وجسمه يجنن وبس لو تطيح عينك بعينه تطيح بغرامه من لون عيونه العسليه ورموشه الكثيفه وشامته الي بوسط خده اليسار ولو تكلمنا عن ابتسامته الجذابه وكل الحب لو ابتسم لك ابتسامه عاديه وتكون عفويه ولهفه للوقعوع فيه ...

"""" البارت الحادي عشر """"
-
-
-