سم اللقى صدفه واسميه ميعاد

والله لا اشبع حضرتك حب وشعور

" يوم السبت تحديداً الساعه الثالثة عصراً "

قرر نواف يصارح نوف رغم انها تعرف بحبه لـ ندى وكل شي بس هو يبي رقم ندى وقال اكيد انه مع اخته نواف
دق باب الغرفه
نوف : شتبي
نواف : بسألك عن شي
نوف : ارتبكت لو يكون الموضوع يمس مطلق او الموضوع
نواف : وين وصلتي
نوف : ها لا اسألني ماقلت شي
نواف : صراحه ابي رقم ندى
نوف : ضحكت وعاددد ماشفت امي مقرره تخطبها لك حتى هي وقعت عليها وصراحه اكذب عليك لو قلت اني ماوقعت
ابتسم نواف لهدرجه ؟
اي لهدرجه واكثر بعد مابعطيك رقمها لنو اخاف وبعدين لو قالو من وين جبت رقمها وانا اختك الوحيده يعني اكيد واضحها المهم معليك اصبر لين نروح يوم الخميس ونخطبها ابتسم نواف وطلع من الغرفه متوجه لغرفته
-
عند مطلق وحمد نفس روتينهم اليومي للأبل وللمخيم ولا فيه جديد
كانو متوجهين للأبل وهم بسياره حمد مفتح موضوع الحب الي مطلق غارق فيه من الاساس بس مو حاس على نفسه
التفت حمد : يامطلق وضعك هالايام متغير شوي لا يكون طايح لك طيحه
ابتسم مطلق : تقدر تقول يبوي صدفه شفتها بس جاني فضول وش جابها للمطبخ الخارجي الي حتى ندى ماتدخله الا نادر شلون جت ذي هناك
حمد : تقصد اخت نواف ؟
مطلق : اي ماعرفت انها اخته الا من ندى واسمها نوف
حمد : ليه كيف راحت هناك وشلون شفتها
مطلق : يوم استاذنتكم اروح من المخيم جيت بدخل وشفت ظل بالأرض وعرفت انها بنت
دقيت الباب قلت روحي ماكانت تتكلم ودخلت كنت احاول ماالتفت بقدر المستطاع بس شدتني ياحمد والشاعر وش يقول ؟
ابتسم حمد : الشاعر هو بجنبك ويقول بلسانك

يانوف دوريِ بي مادام ارضنا تدور
دوري كذا من غير لا قطع مسافات

والله لا اشبع حضرتك حب وشعور
هاتي يدك نمشي لحد النهايات

سلكت درب حيل مظلم ومهجور
يانوف ليته حلم والا خيالات

يانوف مبطي ماطلع بالسماء نور
ولغاب نوره سقت لك حلوا الابيات

ابتسم مطلق : يافاهمني
حمد : انا على يمناك وانا حزامك كيف ماافهمك
رجع مطلق يفكر : ياحمد اقول لك خايف ترفض بسبب وضعي ولإني مو متوظف وانت شايف ماغير من الابل للمخيم ومن المخيم للأبل ، او اخاف تكون مخطوبه لحد قرايبها
-
حمد : انت بدوي اصيل والكل يتمناك واذا كانت مخطوبه ف هو النصيب وراح لغيرك وانت بتلقى الافضل ان شاءالله شفني اقوم وانام معكم وحلمي بينكم ولاني قادر اسوي اي شي
مطلق : هونها وتهون يامحزمي والله يكتب الي فيه الخير لك ولي
-
نواف يعد الدقايق والثواني ينتظر الخميس بفارغ الصبر
دخلت ام نواف غرفته وشافت وضعه متحير راحت تسال وشفيك ياولدي ؟
نواف : والله ياامي تعبت وانا اقول مافيني شي وانا واقع بالغرام ونوف تدري بعد
ابتسمت امه حست انه يقصد ندى : عارفه من تحب ومن تبي وان شاءالله هالاسبوع تكون حلالك
وقف نواف يبوس راس امه : الله يخليك لي ياامي انتي وابوي ونوف
ام نواف تنادي : نوف يا نوف تعالي وانا امك دقي على ندى تعطيك رقم امها نسيت اخذه
نوف : ابشري
-
عند ندى الي كانت جالسه بصاله مع نور وامها وعنود
جوالها رن اخذته من الطاوله وشافت انها نوف المتصله واستغربت بس ردت بلبيه يا نوف امريني
نوف كانت ' حاطه الصوت سبيكر '
فز نواف من سمع صوت ندى بس حاول يثقل قدام امه ونوف
نوف عينها بعين نواف وابتسمت : مايامر عليك ظالم ياعيوني بس امي تبي رقم امك عادي تعطيني ياه
ندى : ابشري الحين ارسله لتس
نوف : الله يعطيك العافيه
ندى : يعافيك يارب ...

"""" البارت السابع عشر """"
-
-
-
حساب الكاتبه انستا 7wao