" ဘာလိုလို့လဲ လူလေးတို့ "
ပန်းသည် အန်တီကြီး၏အမေးသံပင်။ ဟုတ်ပါတယ် ကျွန်တော်နဲ့ မင်းနန္ဒ စျေးထဲရောက်နေကြခြင်းပင်။ အကြောင်းအရင်းကတော့ အသင်းနေ့ဖြစ်သည့်အတွက် ဘုရားပန်းလာဝယ်ခြင်းပင်။
မိန်းကလေး အသင်းခေါင်းဆောင် ရီဝေသော် မရောက်သေး၍ ဘုရားပန်းဝယ်ရန် စျေးထဲသို့ထွက်ခဲ့ခြင်းပင်။ စျေးထဲသို့တစ်ယောက်ထဲမသွားချင်၍
မင်းနန္ဒအား ခေါ်ခဲ့ခြင်းဖြစ်သည်။
ကျွန်တော့ဘေးမှ မလိုက်ချင်လိုက်ချင်နှင့် လိုက်လာရသည့်အတွက်ကြောင့် စိတ်ရှုတ်နေသော မင်းနန္ဒအားတချက်ကြည့်၍ စျေးသည်အန်တီကြီးအား စကားပြန်မိသည်။
" ဟုတ် ဘုရားပန်းလိုချင်လို့အန်တီ "
" ကလေးဘာပန်းယူမလဲ "
ဘုရားပန်းတွေကိုတစ်ချက် လက်ထဲကပိုက်ဆံကိုတစ်ချက်ကြည့်ကာ အချိန်အနည်းငယ်စဥ်းစားလိုက်မိသည်။ ပိုက်ဆံမလောက်၍ သပြေပန်းဝယ်ဖို့သာဆုံးဖြတ်လိုက်မိသည်။
" အန်တီ သပြေပန်းတစ်စီးရယ် စံပယ်ပန်းကုံးရယ်ယူမယ်ဗျ "
" မင်းကလဲ သပြေပန်းမယူပါနဲ့ ဂန္ဓမာပန်းယူလေ "
မင်းနန္ဒ၏ အပြောကြောင့် ဂန္ဓမာပန်းတွေအားကြည့်မိသည်။ မနေ့က ဂန္ဓမာပန်းမစိုက်ဘူးလားမေးခဲ့သည်။ ယခုလဲ ဂန္ဓမာပန်းဝယ်ပါလားတဲ့။ ပန်းမကြိုက်တဲ့ မင်းနန္ဒ ဘယ်လိုဖြစ်တာလဲသိချင်နေမိသည်။
သိပ်လှတဲ့ ဂန္ဓမာပန်းရောင်စုံတွေကို မျက်ဝန်းမှိုင်းမှိုင်းများဖြင့်ငေးကြည့်နေသောသူ။ ထိုမျက်ဝန်းများတွင် အရောင်လဲ့နေသည်။ ကျွန်တော့်ကိုပင်မမြင်ဘူးထင်ပါရဲ့ ဂန္ဓမာပန်းတွေကိုစိုက်ကြည့်နေလိုက်တာ။
ထိုအရောင်လဲ့နေသော မျက်ဝန်းမှိုင်းမှိုင်းများကို မလွန်ဆန်နိုင်စွာ ဂန္ဓမာပန်းများကိုယူဖို့ဆုံးဖြတ်လိုက်သည်။ ဖြူဖြူဖွေးနေသော ဂန္ဓမာအဖြူလေးများကိုသာရွေးချယ်လိုက်မိသည်။
" အန်တီ ဂန္ဓမာအဖြူလေးတွေပဲ ယူတော့မယ် "
" အန်တီ ဂန္ဓမာအဝါပဲယူမယ်ဗျ "
YOU ARE READING
မောင် ( သို့မဟုတ် ) နွံတစ်ခု
Non-Fictionမိုက်ရူးရဲဆန်စွာ မောင်ဆိုသည့် နွံတစ်ခုမှာ ကျွန်တော်ဟာ ပျော်ပျော်ရွှင်ရွှင် နစ်ဝင်ခဲ့မိသည်။ #လင်းလတ်ရောင် မိုက္႐ူးရဲဆန္စြာ ေမာင္ဆိုသည့္ ႏြံတစ္ခုမွာ ကြၽန္ေတာ္ဟာ ေပ်ာ္ေပ်ာ္႐ႊင္႐ႊင္ နစ္ဝင္ခဲ့မိသည္။ #လင္းလတ္ေရာင္
