نيشان
البارت السادس والعشرون
مريم:😨قسمتك السوده؟تكولها بوجهي قيسان😢.
قيس:مو هيج لتفتحين عيونج هيج وتسويلي قصه بهالليل افهمي قصدي😂.
مريم:فهمني بالله😢
قيس:لج اكو واحد يكول عالحب مالته قسمه سوده خبله انتي؟
مريم:لا موخبله بس الرجال ميحجي على زوجته الا من يكون يعرف وحده ثانيه😢.
قيس:ياربي رحمتك حبيبتي شبيج هيج صايره حساسه هيج يعني الحمل يسوي مو قبلج جابت ابرار 3مرات مجانت هيج.
مريم:لتجيب اسمها كدامي وهي طلعت عاقله واني مخبله😭.
قيس:هاي 14 يوم رحت هيج اتخربطت احوالج شلون لو ابقى اكثر؟
مريم:من وراك هيج صرت لتروح عفيه خلص كلبي وراك😢.
قيس:الله كريم حبيبتي الله كريم كافي حجي بهالموضوع احجيلي شلونج وشلون علاوي؟
ظلينه نحجي للصبح مااريد انام حتى من انام اشتاقله واذا انام ينحسب وقت النوم من ضمن الاسبوعين😢.
الصبح راح يجيب البنات اشتاقلهم واني نمت لحدما رجع كعدت اليوم الغدا على امي مسويه غدا عائلي بمناسبة نزول قيسان.
محتاره شلون اكضي وقتي وياه كرهت النوم مااريد انام صرت مثل الجهال الزغار الا يهددني يالله استسلم وانام.
قبل يومين من التحاقه اجه اخذني من العياده بالطريق كلي:
مريم ليش متشاركين ميس بالعياده تره النسبه قليله بحقج دتعبين هوايه وانتي حامل يعني النسبه ابد مو مال تعبج.
مريم:ان شاءالله هي عرضت علي الموضوع لان هي تعرف اني اتعب هوايه بشغلي وتعرف مسألة النسبه متوفي تعبي بس بالنهايه هي مشكوره مقصرت وان شاءالله اجمع مبلغ زين واشاركها كتلها صبري علي شويه اجر نفس.
قيس:شوفيها شكد المبلغ وكليلي.
مريم:اكيد مبلغ جبير الي عندي يمكن مايجي نصه تعرف بعد انت مصرف اهلي مااحب اقصر وياهم بشي اتمنى اعوضهم ولو شي بسيط.
قيس:ان شاءالله حبيبتي عفيه عليج كبرتي بعيني والله تفكرين بيهم قبل لتفكرين بنفسج.
مريم:قيسان مو وكته هالحجي.
قيس:ليش؟شكو؟
مريم:جعت راح اموت من الجوع.
قيس:هههههههههههه صار هسه نوصل واريد اشوف بالله الجوعان شكد راح ياكل.
مريم:تره مو اني ابنك هذا علموده.
قيس:هههههههههه اي طبعا ليش منو كال انتي.
بالليل كعدنه بالحديقه عالكرويته الجو بارد بس السما صافيه اني متغطيه بغطوه خفيفه بس هو لابس تيشيرت بهاري غطيته وياي كال:
مو بردان حلو الجو.
مريم:لا برد اني بردانه.
قيس:اذا بردانه كومي نفوت جوه.
مريم:لااا خلينه كاعدين شويه بالبرد هيج مثل المسلسلات التركيه.
ضحك وحضني كال:
شمخبل البنات غير المسلسلات التركيه.
مريم:تره واقع يعني ليش الناس متعيش مثل الناس الي بالمسلسلات يعبرون عن مشاعرهم ويعيشون بحب وتفاهم ليش الا نكد يالله يرتاحون.
قيس:الناس تعبانه مالهم خلك بعدين الاغلبيه هيج تربوا عالكبت عيب يعبرون عن مشاعرهم يخجلون وخصوصا الرجل هي زوجته ويستحي يكوللها احبج لو يكوللها طالعه حلوه اذا يحبها راح يعبرلها بالعكس يجاكرها يعني ههه.
مريم:معلينه بيهم انت مدام الي وملكي يعني تنظم لنادي المسلسلات التركيه.زين؟
قيس:هههههه ليش من اتزوجنه شنو جنه عراقيين حتى زواجنه مثل الاتراك كله غموض الناس متعحبه اني ومتزوج وعندي اطفال وانتي بت عمي ورابيه ويايه بالبيت ومسؤول عنج وعن اختج شلون تغيرت الاعدادات فجأه واتزوجنه ههههه.
خليت راسي على صدره وغمضت كتله:
معناها كولي الصدك ليش مكتلي تحبني من الاول؟
يمكن اتفاجأ من سؤالي سكت شويه بعدين كال:
من الاول شوكت يعني؟
مريم:قبل منتزوج مثلا يعني.
قيس:مثلا يعني منو كال جنت احبج قبل منتزوج؟
مريم:فد شخص كلي كل تصرفاتك قبل تكول هالشي.
قيس:منو هالشخص؟
مريم:شخص دارسك ودارسني والله طلع يفتهم متوقعته هيج.
قيس:اكدر اعرف منو هالمثقف ابو الدراسات؟
مريم:مو مهم منو المهم اريد اعرف صدك لو هاي تخيلات؟
قيس:معناها السؤال نفسه موجه لحضرة ام علي المحترمه.
مريم:اجاوبك بس جاوبني اول صار عندي فضول قاتل.
قيس:اخاف تشوفين نفسج عليه بعدين؟
ههههه
مريم:ليش يايوم شايف مني هيج شي؟ وانت بالذات شلون اشوف نفسي عليك؟
قيس:اتشاقى وياج.
سكت غلس.
مريم:قيسان الجواب دانتظره.
قيس:شلون اكولج احبج واني متزوج وعندي اطفال وانتي بعدج زغيره وطالبه ودكتوره وتشوفيني اخوج الجبير ومأمنه بيه اوديج وارجعج واطلعج لو حاجي جان انتي مقبلتي وزعلتي وضجتي مني يمكن وجان طحت من عينج وعين الكل ويحسبوني خاين للامانه بس والله حب بريئ جان وفجأه حسيت بي ماادري يمكن لان فجأه حسيتج صرتي جبيره وحلوه والعين عليج او يمكن لان انتبهت اذا اوصلج لمكان او للكليه اشوف شلون الشباب يباوعوج مثل الواحد مرات من تعجبه حاجه ويتمناها بس يعرف امكانيته محدوده ميكدر يشتريها وقانع رغم ميت عليها.
مريم:حبيبي انت.بس الشخص الدارسنه يكول اني هم جنت احبك بس ممركزه وياك لان انت متزوج وملتزم مع زوجتك وبناتك ولان تشوفني اختك.
قيس:والله؟؟😻بس دليني عالشخص حتى اروح اشبعه دك وين جانت دراسته قبل هسه يالله حجه؟
مريم:ههههه تصدك بعد هالحجي الي ماادري صح لو لا بس احس نفسي احبك اكثر لان طلعت حبيبي من زماان واني ماادري هههه.
قيس:هههههه لا عايشه بالدراما التركيه عالاصول.
يتبع...
