بسم الله الرحمن الرحيم
"كنت اعيب الحب، ومن عاب ابتلى"
البنات لاحظوا وجهها التعبان وعيونها الذبلانه من البكاء
ترف بهمس وهدوء: ابي انام
لمار: اجل امشو بنات اتركوها تنام حرام
خلود : اي يلا
ترف بصوت يرجف : لا وحده تجلس معي لين انام او نادوا لي امي
جنان : تبين اجلس معك او انادي خالتي
ترف بحزن وهي محتاجه امها: لا لا ما ابي تشوفني كذا عشان بتتعب اخاف عليها اجلسي انتي يا جنان
اسماء: طيب لو احتجتوا شي نادوني
دخلت سلمى وهي تركض ل ترف : ترف يعيوني انتييي اسفه والله اسفه احس ب تانيب ضمير وأنا مالي دخل احس ما ساعدتك ولا تكلمت ودافعت عنك
ترف بهدوء: عادي يا روحي وجودك يكفيني
افنان: يلا امشي سلمى خليها تنام
(طلعوا البنات من الغرفه)
«في المجلس الكبير في بيت الجد»
" بعد ما انتهو من الغدا ". (عرفوا الحريم السالفه وكان رايهم من رايي ابو الوليد وأما العمه اميره الي حقدت على دلال لانها تصرفت ب انانيه ونفس الشي ام متعب الي انهارت لانها خايفه على بنتهاا)
الجد : وين جنان و ترف
افنان: ترف نايمه و جنان عندها
الجده وهي واقفه مع ترف: اخخ يا انها انظلمت شنسوي عاد امرنا لله
الجد: اقصري الشر يا حرمه
العمه اميره وهي تناظر دلال : الله بيجازي كل ظالم يمه لا تخافين
ابو متعب : خلاص عاد تراها بنتي وأنا المسؤول عليها
ام متعب بقهر: فاهم المسؤوليه غلط تزوجها خريج سجون وتقول مسؤوليه
ابو متعب بصراخ: انكتمي
ابو الوليد: وهي صادقه ولا تصرخ كذا احترم الجالسين ترا حقها تخاف على بنتها
العمه دلال: ترا ما بياكلها
سلمى بحقد: كان زوجتيه بنتك دام ما بياكلها
العمه سعاد: انكتمي يا بنت لا تدخلين بشي لا يعنيك
سلمى وهي توقف: وش الي شي لا يعنيني يمه؟؟ ترف ما تعنيني الحين وأنا الي احبها واشوفها مثل اختي واكيد اني ما أرضى على زعلها
اسماء: صدقتي يا سلمى وحنا كلنا مب راضيين على الي تفعلونه
الجد بعصبيه: أنتم مهبولين كيف تناقشون قرارتي مافي كلمه بعد كلمتي فاهمين
(دخلو العيال المجلس وازداد النقاش بين العمات و ابوهم وابو متعب والعيال)
ابو الوليد: خلاص يعيال ويلا قدامي كلكم روحو المقلط هذاني جايكم وانتم بعد يا بنات ونادوا جنان معكم واتركو ترف ترتاح
«في المقلط في بيت الجد»
ابو الوليد: شوفو ترا انا مب راضي على الي جالس يصير وبرضو مب راضي انكم تتكلمون مع جدكم وعمكم وعمتكم كذا أنتم كبار مب مبزره وانتم عارفين ابوي لا قال كلمه بتمشي غصب عن الكل
هتان: ياخي كلامه مب على اختي يا عم اختي وش داخلها بهبال لمار
ايمن: انكتم ولا تتكلم على اختي قدامي خير
ريان: على تبن انت واختك لو انك رجال ما خليت كل ذا يصير
ابو الوليد بعصبيه: خلاصص كلنا عارفين ان الموضوع مب بيدنا أنتهى النقاش هنا ويا ويلكمم اشوفكم تفتحونه مره ثانيه
ريان وهو ما يدري ليه معصب مجرد ما يتخيل انها بتتزوج: بيتسكر هنا لكن اوعدكم أنا الي برجع افتحهه أنا ما بسكت تفهموننن (طلع من المقلط )
جنان بحزن على حالة ترف: يبه هي تعبانه حرام الي يصير ترا
افنان: يا خالي انت تعرف ترف الي الابتسامة مرسومه على وجهها دايم اختفت يا خال عيونها ذبلت وربي ظلم
ابو الوليد: ما باليد حيله ، هتان وين سالم ومتعب
هتان: سالم رجع جده عنده دوام و متعب ما يقدر يجي عنده دوام برضو
ابو الوليد : زين
هتان : جنان وين ترف بشوفها
جنان: نايمه خليها واضح تعبانه
ابو الوليد: خليها تنام وبعدين شوفها
هتان : طيب
.
.
........
أنت تقرأ
كنت اعيب الحب، ومن عاب ابتلى
Romanceترجع للديره بعد غياب 6 سنوات وكلها شوق ل بنات عمامها وعماتها لكن من ثاني يوم لها بالديره يظلمها ابوها وجدها مع خريج سجون عشان عمتها........ تتعرفون على الأحداث بالروايه🫶🏻
