تعالت اصواتهم الي كلها مباركه ل خلود وكلهم تكرر سوالهم "متى الخطبه؟؟"
خلود بخجل : مفروض اليوم بس تاجلت ل بكره
قام مهدي وطلع من المجلس وقفل الباب بقوه
سلطان بشك: شفيه ؟
افنان بترقيع : امي تبيه عشان كذا طلع مستعجل
سلطان وهو يبي يعدي السالفه: ان شاء الله خير
ترف : جنان قومي
جنان : هلا يلا بجي
قامت ترف وكان يناظرها ريان باستغراب ليه ما عبرته ولا سلمت عليه سكت وكمل الجلسه معهم
_الحوش_
ترف : شفيك انتي للحين مخوفتني
جنان بتنهيده : آهه يا ترف
ترف : بسم الله عليك ، امشي نتمشى وقولي لي وش عندك
جنان وهي تمشي معها وماسكه يدها وسانده راسها على كتف ترف : مدري من وين أبدأ وكيف ابرر
ترف : قولي وأنا بفهمك
جنان : ماما قالت لكم أكيد انه مشاري بيخطبني بعد أسبوعين صح
ترف : ايه
جنان : أنا ومشاري في علاقة من ٦ او ٥ شهور تقريبا وأنا كنت اكلمه من ورا اهلي خنت ثقتهم فيني يا ترف حاولت انهي العلاقه ذي لكن بكل مره ينشب لييي ! تعبت منه وانا كنت معميه بالحب والكلام الحلو والغزل كل ما اتركه يرجع يتمسك فيني اكثر ما اعطاني خصوصيتي ولا قدر رغبتي وغير كذا هو عايش برا السعوديه وأنا ما ابي ما ابي اترك اهلي وحياتي الي بالسعوديه مقدر وهو مب راضي يفهممم تعبت
ترف : كنتي تحبيه ؟ او للحين تحبيه ؟
جنان : الاثنين بنفس......
سكتت من قاطعها صوت من خلفهم
ريان : شتسوون هنا
ترف وهي تحمد ربها انه ما سمعهم : ما نسوي شي
جنان : نتمشى
ريان : طيب جدي قال شي ل ترف اليوم ؟
جنان : قا..
قاطعتها ترف وهي تقول : ما قال شي !
ريان : علامك معصبه خلي جنان تكمل كلامها
جنان : قال انه يبي يزوجك وحده غير ترف
سكتت ترف وهي تبي تروح مسكها ريان وقال : بس كذا ؟
جنان : ايه
ترف : ريان روح او اتركني اروح
جنان وهي متقصده تخليهم وحدهم : أنا امي تناديني
ترف : بجي معك
جنان : لا ما يحتاج (راحت بسرعه)
ريان : ليه زعلانه مني الحين شدخلني انا
ترف بعصبيه : مو زعلانه !
ريان بضحكه : اجل
ترف وهي تخفي فرحتها لإنها شافت ضحكته : مدري
ريان: من يدري
ترف : يمكن غيرانه ؟!
ريان وهو يمسك يدينها الثنتين : تروفتي تعرفين شي
ترف : وش
ريان : الشرع حلل اربع زوجات صح
ترف وهي تقلب عيونها : صح
ريان : تدرين انه انتي بالنسبه لي كل حلالي
ترف : مفهمت
ريان بابتسامه : يعني انتي كل زوجاتي ومستحيل أتزوج غيرك انتي الأولى والثانيه والثالثه والرابعه تعرفين ؟
ترف بخجل وابتسامه : تعرف اني احبك واموت فيك ؟؟
ريان وهو يبوس راسها: اعشقك يا اغلى ما املك
ترف : امشي ندخل
ريان : يلا
_المجلس الكبير_
العمه اميره بمزح : فالحه ما تعرفين تصبين قهوه
سلمى : الاا من طلع علي اشاعات الحين اوريك كيف اصب القهوه
خلود : اقول اجلسي لا تحترقين
اصايل : خلوها تطلع مهاراتها
ابو وليد : تعالي قهويني اشوف كيف المهارات
سلمى : ابشر يا خالي
أخذت فنجال/فنجان (كوب القهوه) ومسكت الدله بيدها اليسار وصبت له القهوه وهي بعيده عنه شوي وقربت وهي تقدم له الفنجان بيدها اليمين
ابو وليد : كفو بنيتي السنعه
العمه اميره : لا والله شاطره سلموه
ابتسم سلطان من شاف امه تمدحها لكن استوعب بسرعه واخفى الابتسامه
العمه سعاد : سلمى وابتهال اشطر ثنتين بالضيافه مهما سويتو بينجحون بالاختبار
يزيد : اسماء خليها على الله (كلهم ضحكوو)
افنان : يعني يزيد أنا اقولك أهرب من الحين
العمه هيله : الله يسعدك يا يزيد ما تفشل ب انك تضحكني
دخلت ترف و وراها ريان
ترف : ضحكوني معكم
ابو متعب : تعالي يبنتي
ترف قربت من ابوها : سمي
ابو متعب : روحي جيبي لي الدوا حقي طولت وأنا ما أخذته
ترف : ابشر الحين اجيبه
راكان : يبه أنا برجع البيت بغيت شي
ابو وليد : يلا توكل على الله اصلا شوي وراجعين حنا
اسماء بغير قصد : ب الي ما يردك
ما سمعها الا البنات لانها قالت بصوت مب عالي
جنان بنرفزه : النهايات اخلاق يبنت وعيب الي تسويه احترمي نفسك وتراه ما سوا الي سويتيه ولا عاد اشوفك تغلطين عليه قدامي لا تنسين اني اخته !
راكان سمع كلام جنان وابتسم بفخر وطلع من المجلس
اسماء : يلا مناك بس انتي واخوك
جنان : ابتهال امسكي اختك لا اقوم عليها زودتها ترا !
ابتهال : اسماء قومي
اسماء : ماني قايمه !
ابتهال بعصبيه : قلت لك قوميي !!!!!!!!
اسماء: وش بتسوين لو ما قمت
ابتهال قامت وراحت لامها
أنت تقرأ
كنت اعيب الحب، ومن عاب ابتلى
Romanceترجع للديره بعد غياب 6 سنوات وكلها شوق ل بنات عمامها وعماتها لكن من ثاني يوم لها بالديره يظلمها ابوها وجدها مع خريج سجون عشان عمتها........ تتعرفون على الأحداث بالروايه🫶🏻
