ايمن بعصبيه : يما انتي للحين تتواصلين مع ابوي صح !!!!!
دلال : جالس تحاسبني انت الحين ؟ ارتاح ما اكلمه ولا يكلمني
ايمن : وش يبي فيك اجل ؟!!!!!!
دلال : وش دراني عنه المهبول
ايمن : يارا اقسم بالله لو مسويه شي ما يصير لك خير سامعتني
يارا : شسويت
ايمن بصراخ : قلت الي عندي صدق ما خليتو فيني عقل بتجننوني بمصايبكم الكل كرهني بسبتكم تعبت و شقيت عشان اريحكم ولا ريحتوني ، بقولك شي يا يارا انتي اخذتي ٨٠ ألف من ابوي هل بتكفيك تكمل اربع سنوات ب هالجامعه الغاليه وربي حماره (طلع من البيت بكبره)
_اليوم الثاني الصباح_
«مدرسة """" للبنات في الديره»
(قبل الخروج بساعتين)
_الصحه حقت المدرسه_
بعد هوشه قويه جدا كانت ماسكه بكيتها
لمار : استاذه شريفه لو سمحتي بدق على اخوي
شريفه : لا يروحي ما فيك شي ليه تستاذنين
لمار : استاذه دايخه بعد الهوشه
شريفه : طيب خذي جوال الاستئذان هذا هو هناك دقي على اخوك يجيك
لمار : شكرا
اتصلت لمار على فيصل عشان ما تبي احد يعرف الهوشه الي صارت لإن امها بتلعن شكلها
فيصل الي كان هارب من المدرسه هو ويزيد : الو مين
لمار والغصه واضحه بصوتها : فيصل وينك
فيصل : مين انتي لمار ولا خلود (من تشابه الأصوات ما يفرق بينهم كثير)
لمار : أنا لمار اخلص وينك فيه
فيصل : شتبين وليه ماسكه البكيه
لمار : تعال استاذن لي واقولك إذا جيت
فيصل : طيب تراني قريب البسي عبايتتس و أنا بعطي بطاقتي للحارس و اطلعك
لمار : طيب
بعد ١٥ دقيقه
ركبت السياره وكان يزيد و فيصل قدام وهي ورا
فيصل : وش مسويه
لمار : تهاوشت مع بنات
فيصل بشوية عصبيه : ليه
لمار : كنت بالفسحه بالساحه الخارجيه وكنت اتمشى مع ثنتين من صديقاتي اوكيه جت وحده بنت معلمه اوكيه هي شايفه نفسها مره ضربت كتفي بقوه قلت لها خير وبعد نقاش طويل راحت جابت شلتها وتهاوشنا بالضرب ومره كانت الهوشه قويه وأنا من التعب انسدحت وجت بنت كملت ضرب فيني
يزيد : ضربتك
لمار وهي تبكي : ضربتني بقوه حتى ان جسمي فيه كدمات
فيصل : وش سوت الوكيله
لمار وهي تشهق : عطتني تعهد ولا عطت بنت الاستاذه !! وهي الغلطانه بعد!
فيصل : معليه ان ما اشتكيت عليها واخذت حقك ما أكون ولد ابوي
لمار غطت يدها بوجهها : قهرتني الحيوانه ذيك ضربتني على كليتي
يزيد : ليه ما ضربتيها
لمار : باختصار لاني انهديت
يزيد : سلامتك ان شاء الله مافيك الا العافيه
فيصل : الحين ما اقدر ارجعك البيت امي بتدري اني هارب ومستاذن لك بعد بتلعن شكلي هي وابوي
لمار : يعني ميته على الجلسه معك
فيصل : تبين اجيب لك ريتا من البقاله
لمار وهي تضحك : ايه احبك جيب لي
فيصل : اصيد جوك يا هطفه
لمار : اخلص بس
نزل فيصل البقاله وبقي يزيد ولمار بالسياره
يزيد : مين الي ضربتك شسمها
لمار : وش تبي فيها
يزيد بعصبيه : اخلصي !
لمار : فرح
يزيد : وش اسم ابوها
لمار : وش عرفني ما اعرف البنت زين
يزيد : هين
لمار : وش بتسوي
يزيد : تشوفين بعيونك بعدين
لمار : يزيد تكفى لا تسوي شي وربي امي تلعن شكلي بعدين انت وش غيرك معي!
يزيد : وش الي تغير معك
لمار : كنت مره تكرهني ولا تكلمني عكس البنات كنت تكلمهم وعادي والحين تكلمني عادي و اسلوبك حلو
يزيد بنرفزه : خلاص سكري الموضوع
لمار : بس بسالك انت كذا عصبي مع الكل ولا بس أنا ؟
يزيد : لا تخافين أنا كذا مع الكل
لمار : لا ينخاف منك يا يزيد
يزيد : ب ذي صدقتي
لمار : احلف انك ما تسوي شي ما عليك باخذ حقي منها بيدي
يزيد : لعيونك ما بسوي شي والله
لمار : شكرا
يزيد : عفوا
أنت تقرأ
كنت اعيب الحب، ومن عاب ابتلى
Romanceترجع للديره بعد غياب 6 سنوات وكلها شوق ل بنات عمامها وعماتها لكن من ثاني يوم لها بالديره يظلمها ابوها وجدها مع خريج سجون عشان عمتها........ تتعرفون على الأحداث بالروايه🫶🏻
