«الرياض' شقة دلال بنت محمد آل…»
_على طاولة الطعام يتعشون_
ايمن : لا ما بنروح العرس
يارا: ليه ياخي شفيك انت نفسيه
دلال: بنروح يعني بنروح محد اخذ شورك
ايمن وهو يقوم من الكرسي: بجاحه صدق (راح لغرفته)
يارا بهمس: شفيه هذا نفسيه ويععع
دلال : انكتمي واحترمي اخوك
يارا: ما قلنا شي يمه
«الخبر' مستشفى***** مكتب هتان بن حسين آل…»
هتان: شويات ونبدا العمليه جهزو غرفة العمليات ولا شي ينقص داخل ونادي الطاقم الطبي كامل اوكيه
الممرضة: تمام ، دكتور أهل المريض يبغون يتكلمون معك
هتان: سريع دخليهم مافي وقت
........
.....:السلام عليكم دكتور هتان
هتان: هلا وعليكم السلام آمري يا خاله
.....: يا وليدي تكفى ولدي لا يموت ما عندي غيره
هتان: ان شاء الله يا خاله ولا يهمك العمليه بتكون بسيطه ان شاء الله
.....: طيب متى بتخلص
هتان: تقريبا بعد ثلاث لو ٦ ساعات
.....: يجزاك خير يا وليدي الله يوفقك
هتان: آمين وياك ، يلا عن اذنك بنبدا العمليه
(في هذا الوقت كان ريان يدق عليه ولكن كان مغلق)
«الديره ' بيت الجد في المقلط»
ام متعب: يا عيوني يا ترف كيفك يا امي
ترف وهي تقاوم الألم: بخير يا الغاليه لا تخافين علي
ام متعب: الله يحفظك يا بنتي
ترف: ماما وين سالم و متعب على أساس كانو هنا امس
ام متعب: يا يما متعب مثل ما تعرفين زوجته حامل وتعبانه و ب اي وقت بتولد لازم يبقى قريب من المستشفى وغير ان عنده دوام ، وسالم نفس الشي عنده دوام ومشغول
ترف بهدوء: يمه
ام متعب: عيوني
ترف : ماما كنتي مصدقه اني هربت؟ توقعتي اني اسويها؟؟
ام متعب بحزن: لا والله يبنتي قلت لهم انك ما تسوينها قلت ولا احد صدقني
ترف سوت بيدها كذا(👍🏻)
ام متعب: بقوم اسوي لك شوربة الخضار الي تحبينها
ترف: تسلمين يا الغاليه
طلعت وشافت ريان بوجهها
ام متعب: جيت و جابك الله يا وليدي
ريان: آمري يا خاله
ام متعب: كما يامر عليك ظالم بس ابيك تجلس مع ترف الى ان اخلص الشوربه حقتها
ريان: ابشري
جلس ريان عند الباب يكلم بالجوال بخصوص الشغل وبعد تقريبا ٢٠ دقيقه دخل ريان وشاف ترف نايمه ومعطيه الباب ظهرها
راح لها و جلس بجنبها اول ما جلس قامت ترف وهي خايفه وهي تقول : وربي ما هربت يبه آسفه
ريان بخوف عليها: ترف هدي أنا ريان لا تخافين
ترف وهي تتنفس بسرعه: ريان
ريان : ايه ايه شفيك
ترف وهي تبكي حطت راسها على كتفه: مافيني شي
ريان : ادري انك خايفه من بكره
ترف وهي تستوعب: ب…بكره اا…ايش بكره
ريان بخوف شديد عليها وحاوط وجهها الناعم بكفوف يده: ترف انتي تعبانه نامي الحين وبكره يصير خير
ترف وهي تحط يدها على يده : ريان بتخلوني اتزوجه صدق بتخلوني اروح معه
ريان : ما بيدي حيله الحين لكن اوعدك ما تطولين معه
ترف ببكاء يقطع القلب: لا يا ريان لا ما ابي اجلس معه يوم واحد
ريان: لا تبكين لا تبكين كوني قويه يا ترف ما ابي اخسرك
ترف: ما اقدر يا ريان ما اقدر
ريان: عشاني عشان هتان عشان امك عشان نفسك يا ترف
ترف وهي تحط راسها بحظنه: بحاول والله
أنت تقرأ
كنت اعيب الحب، ومن عاب ابتلى
Romanceترجع للديره بعد غياب 6 سنوات وكلها شوق ل بنات عمامها وعماتها لكن من ثاني يوم لها بالديره يظلمها ابوها وجدها مع خريج سجون عشان عمتها........ تتعرفون على الأحداث بالروايه🫶🏻
