«الديره ' بيت الجد»
كانت موجود العمه سعاد فقط هي وسلمى كانو جايين زياره عاديه
الجد محمد : الا يا سعاد كيف ابو متعب وعياله بعد ما توفت امهم
سعاد : حالهم طيب وامورهم زينه بس هي ترف المسكينه الي للحين في بعيونها التعب والهم
الجد محمد: دلع بنات عاد ذي الي بين احفادي اشوفها مدلعه ويبي لها من يربيها
الجده : لا ترف متربيه احسن تربيه ورافعه راسنا وأنا احبها ذي البنت ومستانسه ان ريان اخذها
الجد محمد : ريان يستاهل وحده احسن منها
سعاد بنرفزه : خلاص يبا الله يستر عليهم
الجده : كلمني ابو متعب امس وقالي انه بيجي بس بدون عياله بس بنته
سلمى الي رمت جوالها على الكنبه بحماس : متىىى؟؟؟
الجده : اليوم بيوصلون
سلمى جت باست راس جدتها : احبكك جدتيي
الجد محمد : وين اخوك انتي
سلمى : مع سلطان و فيصل
الجد محمد : قولي لهم يجيبون الدوا حقي
سلمى : ابشر
طلعت سلمى الحوش واتصلت على يزيد
يزيد : ها شتبين يا نشبه
سلمى : اقول احترم الي اكبر منك وبعدين الواحد يقول شتبين يا اختي يا قلبي امريني مب مثلك صدق أخ فاشل
يزيد : صدعتي راسي تسولفين واجد شتبين الحين داقه
سلمى : جدي يقول جيب الدوا حقه الحين الحين لا تتاخر
يزيد : طيب يلا انقلعي (قفل)
«بيت ابو الوليد»
دخلت ام وليد غرفة جنان وشافتها نايمه
ام وليد: يبنت قومي وش ذا النوم
جنان : طيب يمه الحين أقوم بس قفلي النور والباب
ام وليد : الله يعينني عليك (طلعت)
قامت جنان واخذت جوالها وشافت فوق ٢٠ مكالمه من مشاري
اتصلت عليه وعلى طول رد
مشاري بعصبيه : وينك انتي ما تردين ؟؟؟
جنان ببرود وصوت مبحوح من البكاء: كنت نايمه
مشاري : كل ذا نوم لا تكذبين
جنان : لا ترفع صوتك وبعدين انام مثل ما ابي شعليك انت ؟
مشاري : نسيتي انتي انه بعد أسبوعين بجي اخطبك وبصير زوجك كيف تكلميني كذا
جنان : مع السلامه (قفلت)
قفلت وهي ما تبي تفتح نقاش معه لانها مب مرتاحه معه ابدا
_المجلس _
نزلت وهي التعب واضح بعيونها شافت راكان جالس يتقهوى مع امه ابتسمت ونسيت تعبها وراحت جلست بجنبه
راكان : يا هلا بدري ، خير كل ذا نوم
جنان : شسوي كان فيني نوم
ام وليد : تبين قهوه يبنتي
جنان : ايه الله يسعدك بخاطري مره اشرب قهوه
راكان : ما عرفتك تحبين القهوه
جنان بمزح : بالله سمعني سكوتك
راكان بمزح : قدها ؟
جنان : ايه قدهاااا وش بتسوييي
قام راكان وهربت منه جنان وجلسو يركضون ورا بعض مثل المبزره وانتشرت اصوات ضحكاتهم في ارجاء البيت وتغلبهم ضحكة ام وليد الي مستانسه على عيالها
قاطع لعبهم صوت يقول
وليد : مبزره خذو عيالي معكم
اصايل بضحك : ايه خذوهم وفكوني
راكان وجنان بصدمه وبنفس الصوت قالو مع بعض : وليد وزوجته!!!
طالعو في بعض كلهم وضحكو
راحت جنان ركضت تحضن وليد الي زمان ما شافته
جنان: كيفك يبعدي
وليد : هلا يوخيتي بخير
راكان : ابعدي انتي بسلم على اخوي
بعدت جنان وحضنت اصايل
جنان : ايش المفاجأة الحلوه ذي
اصايل : وعندي مفاجأة احلااا كماان
جنان : انتظري قبل مفاجآتك وين عيالك
اصايل : نايمين في السياره
جنان : اقول راكان روح صحيهم وجيبهم
راكان : ترا بروح مب عشان قلتي لي عشان اشتقت لهم
جنان : لازم يعاند اخلص علي
أنت تقرأ
كنت اعيب الحب، ومن عاب ابتلى
Romanceترجع للديره بعد غياب 6 سنوات وكلها شوق ل بنات عمامها وعماتها لكن من ثاني يوم لها بالديره يظلمها ابوها وجدها مع خريج سجون عشان عمتها........ تتعرفون على الأحداث بالروايه🫶🏻
