زايد: صباح الخير
اميره: هلا يا وليدي صباح النور
زايد: شعندكم متجمعين بالمطبخ
ترف: ابد بس رائد جوعان و كلنا نسوي له اكل
سلطان الي كان يضحك: ايه الا رائد لا يجوع
رائد: ما يضحك
ترف: نفسيه انت اقول اضحك
اميره: زايد روح جيب لمار من المدرسه و جيب فيصل بطريقك
زايد: كيف اجيبها وما جاء موعد خروجها هي وفيصل
سلطان: اول مره اشوفك مب فاهم ذي معجزه
رائد: زايد ترا واضح انه سب عليك بس بطريقه محترمه
زايد: انكتم
اميره: استأذن لهم يا امي(راح زايد)
ترف: عمتي شوفي الخيار كذا زين تقطيعه
اميره: يا بنتي صغير مره
سلطان: ب تاكلين قطاوه انتي وش ذا البخل
ترف: وش عرفني ترا معرف زين
رائد: سلطان يقطع أحسن منك
ترف: عمتيي شوفيهم
اميره: بس يا عيال خليها تتعلم أنتم شعليكم
سلطان: آسفين يمه
ترف: اطلعو برا المطبخ ما منكم فايده
اميره: وهي صادقه يلا ابي اشوف عرض اكتافكم
رائد: والله طرده محترمه
سلطان: يعني جد ما توقعت انطرد
«الخبر ' شقة ريان & هتان»
ريان وهو يدق الباب حق غرفة هتان: يا هتان الفطور ب يبرد
هتان: طيب جاي
......
على طاولة الطعام يفطرون
هتان بفرحه: باقي ١٥ يوم و اشوف ترف
ريان: اللهم لك الحمد متى بتروح الديره
هتان: بعد أسبوع بروح آخذ امي ونروح يكون باقي أسبوع على انتهاء عدتها
ريان: اجل حتى انا اسبوع واروح
هتان: ايه ونروح بالسياره نفلها
ريان: ايه ان شاء الله
هتان: ما عندك شغل شي الفتره
ريان: عندي لكن اقدر اني اخلصه والقضيه الي ماسكها أنا شوي معقده الله يعين
هتان : الله يعينك
ريان : كيف الوالده
هتان: يا انها التعب يزداد عليها اكثر واكثر خايف عليها والله لكن ان شاء الله إذا شافت ترف تتحسن
ريان: الله يشفيها ويعافيها ما تشوف الشر وان شاء الله تشوفون ترف قريب
هتان: آمين يارب
«بيت ابو الوليد»
ام الوليد: ما يصير يا بنت تحطين الحلا الثلاجه الحين خليه يبرد ودخليه عشان لا ينكسر الصحن شفيك راسك يابس
جنان بنفتره: اوووفففف خلااص ياخي ماني حاطته ولا شي
ام الوليد بعصبيه: جنان تراني ساكته عنك لي فتره عدلي كلامك معي ومع اخوانك وش ذا ما عاد احترمتي احد!!!!
جنان بصراخ: ذا أسلوبي عاجبكم ولا لا مجبورين تتحملوني لانكم اهلي
ام الوليد: جناانن انكتمي وفارقي عن وجهي(دخل راكان)
جنان: على اساس حابه القعده معك
ام الوليد : جنان قومي قبل اغضب عليك يلاا
(راحت)
...
_غرفة جنان كانت تكلم مشاري بالجوال_
مشاري: قريب ان شاء الله بتكونين حلالي
جنان بخجل: ان شاء الله يقلبي
مشاري: يومين كذا وتجي إجازة ورد ونجيكم السعوديه (ابو مشاري وام مشاري باقي ب السعوديه لكن ورد و مشاري رجعو الكويت)
جنان: ياربي يمرون ذي اليومين بسرعه
مشاري: ان شاء الله
..
كانت جالسه على الكنبه الصغيره الي في غرفتها كانت مبتسمه وهي تسمع كلام مشاري قاطع ابتسامتها دخول راكان المفاجئ وكانت العصبيه بعيونه قفلت جنان بسرعه كانت تناظر مصدومه انه حتى ما دق الباب
جنان: خير داخل كذا
راكان: عدلي اسلوبك يا جنان احسن لك فاهمه!
جنان: نعم شتبي
راكان: ترانا كلنا محترمين انك كبيره وما يصير نصارخ عليك مثل البزر لكن انتي ملقتيها
جنان: اوف مالي خلق محاضرة الحين
راكان بعصبيه: قطعتي علاقتك ب ترف وما قلنا شي فشلتيها كذا مره قدام البنات ما قلنا شي اسلوبك صار زفت مع الكل وأربع وعشرين ساعه على الجوال!!! خيرر بزر انتي تخلينا نندم اننا عطيناك جوال
جنان : راكان شتبي
راكان حاوط وجهها بكفوفه: ليه وأنا اخوك
جنان: وش
راكان: وش قصرنا فيه معك عشان يصير اسلوبك كذا
جنان: لا والله ولا مره قصرتو معي ب شي
راكان: طيب ترف وش قصرت فيه معك ؟ كانت صديقتك واختك كنتو مرهه قريبين من بعض وش الي غيرك
جنان الي بدأ يحن قلبها ل ترف: ءءء ترف ما قصرت
راكان وهو يجلسها: مين الي لاعب براسك يا عيون اخوك
جنان الي بدات تستوعب الي سوته: راكان أنا خسرت ترف!!
راكان الي يعرف ان وراها بلى: توك تستوعبين
جنان وهي تبكي: كله بسب سناء
راكان: مين سناء و وش دخلها
جنان: ذي بنت معرف مين هي ضافتني انستا وقبلت وتعرفنا على بعض وهي كان اغلب كلامها عن ترف كانت تكرهني ب ترف وتوني اركز انها هي السبب ب كل شي
راكان ب شك: بنت مين
جنان: سناء بنت منصور
راكان الي حط يده على راسه: ما لقيتي غيرها يا جنان والله لو يدري ابوي يا انه بيلعن اشكالنا
جنان : ليه من ذي
راكان: يا المهبوله ذي اخت ضاري
جنان بصدمه: ضاري ما غيره
راكان: ايه لو تلاحظين انها هي هدفها تخرب حياة ترف وانتي دعمتيها
جنان: يا ويلي كيف برجع حياتي مثل اول يا راكان
أنت تقرأ
كنت اعيب الحب، ومن عاب ابتلى
Romanceترجع للديره بعد غياب 6 سنوات وكلها شوق ل بنات عمامها وعماتها لكن من ثاني يوم لها بالديره يظلمها ابوها وجدها مع خريج سجون عشان عمتها........ تتعرفون على الأحداث بالروايه🫶🏻
