الـبارت الـسابع..🤎
بـقلمي:: زهـرة آلـ أبـراهـيم "
لا تنسون تـصويت + تعليق ومتابعة الحساب m24_19
______________________________________________
الليله اول مره احس بروحي زايد
الليله خلوني ارد اعاتب روحي
ماعاتبلي واحد💔🤎
__________________________
لـيادرا..
ابو محمد:: سوولنه مجال يابه...تفضلو تفضلو اهلاً وسهلاً
عباس:: اجو بيت ابو هيثم
لـيادرا:: ابو هيثم الي صعدنا وياهم اليوم بالتك تك. ؟!!
عباس:: اي همه
لـيادرا:: شعجب جايين هيج وقت
بأثناء كلامنه اني وأخوي دخلت امي ووياها ام هيثم
ام محمد:: لولي حبيبتي هاي جوارينه ام هيثم
لـيادرا:: اهلاً وسهلاً خاله...اي يمه اعرفها التقيت وياها اليوم
ام هيثم:: هوا اني اجيت لهل حلوه هاي هههه
ام محمد:: حبيبتي ام هيثم حلات عيونج ...كومي لـيادرا حضري الضيافه
لـيادرا:: انشالله يمه..
كمت من يمهم ورحت للمطبخ حضرت الضيافه ورجعت
قدمتها وصدمتني من كالت
ام لـيادرا:: اجينه نطلب ايد بنتكم لـيادرا لأبني ميثم ولولد شايف البنيه ويكول عجبتني حلوه وأخلاق والنعم منكم ومن سمعتكم والله
ام محمد:: اهلاً وسهلاً ياعمري النه الشرف اكيد والنعم من اصلكم حبيبتي بس بعد هالشي يبقه بيد ابوها وعمامها
لـيادرا::
بقن يسولفن امي وأم هيثم وعلى گولت ابو المثل (خطابه رغابه)
ام هيثم:: انشالله تصير القسمه وتصير لولي من قسمتنه وأدللها وأخليها بوسط عيني
ام محمد:: حبيبتي سالمه عيونج انشالله وبعد كلشي بالقسمه نشوف ونردلكم خبر
لـيادرا::
طلعو بيت ابو هيثم بعدما دار حديث بين أبوي وأبو هيثم كذالك
اجه ابوي وتفاجئت من كال..
ابو محمد:: اني بالنسبه الي موافق همه خوش ناس والنعم منهم ومن اصلهم وأبنهم مؤدب وحباب
محمد:: اي صحيح يابه اني الولد اعرفه يصير صديقي وخوش ولد دائمآ يمي
عباس:: اي بابا اني هم اعرفه وأعرف اخو الأصغر منه حلوه اخلاقهم
ام محمد:: هسه عوفو هالحجي لـيادرا بنتي انتي شتكولين القرار يرجع الج
لـيادرا:: بكيفكم يمه الي تشوفونه مناسب سوو
