الـبارت الـسادس عـشر..🤎
بـقلمي:: لـيادرا عـلي..🤎
لا تنسون تـصويت + تعليق ومتابعة الحساب m24_19
______________________________________________
" أني وگلبِي مِتعوبين مَنفيدك ..
__________________________________
لـيادرا::
مر كم يوم على زواجي بـ ميثم بس ماشوفه هواي بس بوقت النومه يجي من انام ويطلع قبل لا اكعد ماعرف ليش
فـ بيوم كاعدين وبعدني ممتعوده عليهم وأستحي منهم دخل هيثم
:: السلام عليكم يابه
الكل:: عليكم السلام
اجه بأتجاهي سلم عليه وكال
هيثم:: شلونج خيتي
لـيادرا:: هلابيك خويه بخير
هيثم:: شنو خوما متعبج اخوي هههه
صفنت بالكاع وگلت بداخلي
:: هوه اني وين شايفته اخوك وبعد احسن لا يجي بس يهدد اليكول ماخذله ارهابيه
رفعت انظاري اله وكلتله
:: لا مامتعبني زين
ام هيثم:: ابني مايتعب وحنين عليها مو مثلك انته ومرتك النهار والليل مكافش
هيثم:: يوم ترا مرتين تعاركنه من عرس ميثم لهسه
ام هيثم:: اي مستحين عود
هيثم:: منين نستحي قابل
بس خلي هسه ليادرا عايشه بخير وبعدين يلحگها الجحيم ههههه
ام هيثم:: احترم نفسك البنيه مو مثل مرتك السان وترادد ماتشوفهه جنها حمامه حته صوت مالها
لـيادرا::
همه يحجون وأني مركزه بس بكلام هيثم شيحجي هذا.؟!!
شنو يلحگها الجحيم يا جحيم يقصد.؟!!
حجت اخت هيثم الجبيره
