الـبارت الـتاسع عـشر..🤎
بـقلمي:: زهـرة آلـ أبـراهـيم "
لا تنسون تـصويت + تعليق ومتابعة الحساب m24_19
___________________________________________
فُقدت السيطرَة
وبالگوة جاي أصبُر
وأول مَرة أحِس بنفسِي
ضگت المُر
__________________________________
لـيادرا::
تجاهلو كلام هيثم وطلعو
بقيت ألملم بنفسي طول ماأني عايشه عندهم هيثم ماشايف طرف شعري ابد مانازعه الحجاب كدامه
وهسه شنو.؟!
كدامه بدون حجاب وملابس مُمزقه
تقرب الي وكال
:: مو كلتلج ليادرا كلتلج ابتعدي عن امي لا تسمعين كلامها بشي
مادمرني شي غير كلامها تجي يمي تحجي شي وتروح يم زوجتي تحجي شي ثاني
كومي خويه كومي حسبي الله ونعم الوكيل بيهم
گوه گمت ويا طلعني خارج الغرفه طلعت غرفة المستودع الي بالسطح ذابيني بيها
انصدمت بقساوة گلبهم شنو من بشر مادري
نزلت جوه بس ماقبلت ابقه يمهم
بقيت كاعده فوگ بالصاله وهيثم عافني ونزل
توجهت للمغاسل أنتبهت لأيدي،لافيها بلفاف ومعقمين الجروح
ضحكت مستهزأه
"عقمو جروح أيدي وزادو جروح گلبي"
غسلت وطلعت تمددت ونمت وماعرف شنو منتظرني بعد
فزيت على صياح اخت ميثم
:: يلا كومي نضفي مو بس گاضيتها نوم ونزلي وراي امي تصيحلج
كمت بيه مابيه علمود مايسوولي بعد شي لأن جسمي منتهي ونفسيتي وكلشي بيه
ضليت امشي بدون حيل
نزلت وياها وبكل بايه انزل عليها الألم يسعر بگلبي مال رجلي
بأسم ياعلي وصلت جوه تلگتني عمتي
:: تعاي اكعدي وأي صوت ماسمع الج منا لمن اكمل كلامي
هزيت راسي بالقبول وكعدت يمهن وضليت اتسمع الها
ام هيثم:: من اليوم ورايح تكعدين ساعه 5 الصبح
اول ماتنضفين البيت كله
وتحضرين الريوگ وتحضرين الغده
اول مانكعد نلگه كلشي جاهز
فهمتي وأذا ماسويتي الي سمعتي هسه عقابج اقوى من الي قبله وأظن وصلت الفكره بعد مايحتاج اوضح عقابنه شنو
رفعت انظاري الها تفاجئت بقساوة گلبها وهيه الي جانت بغلاة امي عندي ليش هيج هسه سوت بيه
