الـبارت الـ20..🤎
بـقلمي:: زهـرة آلـ أبـراهـيم "
لا تنسون تـصويت + تعليق ومتابعة الحساب m24_19
______________________________________________
غَير الـ يا هلا
شِمسوي وياك !
بمَحنة و صَوت دافي
أحجَيها تَجويد
وأخذهَن مِني الك
ماريدهن روَح
أعتِذاراتك وَره
السَويتة مَتفيد..
__________________________________
لـيادرا::
وصلت للزياره وصلت لأهل البيت(ع)
كملت طريقي ودخلت لـ ضريح الأمام العباس (ع)
ماعرفت شسوي ولا عندي ناس تساعدني غيركم اجيتكم وجبت تعبي وياي
اجيتكم والحرگه بگلبي طلعوني من النار الي اني بيها طلعني يامولاي اخذني منهم لا ترجعني للنار
كعدت مقابيل الشباگ وصفنت بي
مولاي هسه شنو يسوون أذا كعدو وماشافوني بنفس الغرفه الضلمه
معقوله يجون لهنا ياخذوني
لا يا مولاي فدوا اروحلك اخذ روحي ولا ياخذونها همه
جنت أحجي وأبجي بشهگه ودموع ماحس بالهوسه الي يمي ماحس اكو ناس يمي غيري اني والضريح
جنت كاعده يم الباب والشباگ مقابيلي يصير
حسيت شي لامس على ايدي دنگت راسي لگيتها بنيه يطلع عمرها 10 سنوات
خلت بأيدي ريشه وراحت باوعت للريشه نفس الريش الي فوگ شباگ الأمام
گزبر جلدي رفعت أنظاري ادور على البنيه ماهيه گمت ادور عليها داير ماداير الضريح بس للأسف مالگيتها
رجعت لنفس المكان الي جنت كاعده بي
بجيت هواي بجيت بهاليوم خليت الريشه بقرأن وكعدت اقره
ماعرف كم ساعه مرت ولا اعرف صار الصبح او لا ولا اعرف شنو سوو
بس ماعرف ليش امي اجت على بالي
أذا سمعت بيه اني طلعت منهم ومحد يلگاني شنو ممكن يصيرلها
انقبض گلبي رفعت انظاري وكلتله
:: مولاي بجاهك انطي امي القوه ولا تخليها يصير بيها شي
بسببي
والله مو بيدي مولاي والله مو بيدي ماكدر ابقه عندهم يموتوني على الـ بطيئ
جنت احجي بصوت عالي وأشهگ بالبجي
حسيت أيد انخلت على أگتافي رفعت راسي لگيتها مرة مبوشه
يعني لابسه بوشيه وكلشي مامبين منها كالت
:: انتي شسوين هنا أُمي شجابج بهالليل
