الـبارت الـخامس عـشر..🤎
بـقلمي:: زهـرة آلـ أبـراهـيم "
لا تنسون تـصويت + تعليق ومتابعة الحساب m24_19
______________________________________________
خليتنِي بعَازة بشر أحچيله موضُوعي ..
اليسوة والما يسوة ظل يضحك علىٰ دمُوعي
______________________________________
لـيادرا::
يا ترى شنو السبب.؟!!
اتصلت على ميثم كذا مره ماشاله كلت احتمال نايم او يم اصدقائه
كعدت اراسل البنات راسلت صديقتي تـوته الي بين فتره وفتره نحجي اني وياها شوي
لأن عندها ضروف والضروف تحكم الانسان ..
لـيادرا:: هلا حب شلونج اخبارج
توته:: هلابيج بعد روحي الحمدلله انتي شلونج مشتاقتلج بذاته وين ماوين
لـيادرا:: لج والله ملتهيه بتحضيرات عرسي
توته:: شنوو شنوو عرس منوو ولجج
لـيادرا:: عرسي ههههه
توته:: لا بربج صدك تحجين لولي
لـيادرا:: اي والله شبيج
توته:: لا مستحيل عمري شلون تتزوجين وعمرج صغير ليش استعجلتي
لـيادرا:: حسستيني بعدني اشرب حليب بالممه
توته:: ههههه لا ولج ماقصد هيج بس لو متأخره بعد حرامات استعجلتي والله
لـيادرا:: ليش اتأخر قابل المسعد راح يجيني على الحصان الأبيض وأكعد انتضره
توته:: باع اللسان مترتين
لـيادرا:: هذا ماطلع السان طلع حجز بالمقبره ههههه
توته:: لج صدمتيني والله بس شسوي بعد مابيدي شي
لـيادرا:: محد بيده شي وكلشي بيد رب العالمين الي كاتبه النه نشوفه ...شنو انتي ماتجين
توته:: ونعم بالله يروحي...لا والله يختي وين اجي ماكدر بس انشالله نلتقي بيوم من الأيام
لـيادرا:: تمنيتج وياي والله بس معذوره حب وأنشالله نلتقي عمري
توته:: انشالله حياتي ..اي سولفيلي عن المسعد بلا ههههه
لـيادرا::
بديت اسولف الها عن ميثم بس ابد ماجبت طاري انو سمعته يحجي وي بنيه وهيج كلت اتاكد بنفسي احسن لـشوي سديته منها وگمت صعدت بالسطح
هواي احب اكعد بالسطح هدوء لوحدي محد يمي رجعتلي الأفكار
من سمعته يحجي وي بنيه وماصحلي فرصه اسأله
