الـبارت الـحادي عـشر..🤎
بـقلمي:: زهـرة آلـ أبـراهـيم "
لا تنسون تـصويت + تعليق ومتابعة الحساب m24_19
___________________________________________
حسبالي مثلي تضوج من ابعد عليك
ثاري انت عندك غير وادم تسليك 🤎
__________________________________
شـهـم::
طبگت بباب بيتنه لگيت سيارات 2 وهل سيارات معروفات لـ منو
دخلت ركض للبيت لگيتهم موجودين
ام شـهم:: هـلا بـوليدي تعال يمه
شـهم:: هـلا بيج حبيبتي
خـير يـطير الليل شسوون هنا شنو تردون تاخذون من عدنه بعد
عـمي:: ههه ماناخذ اجينه ننطي هالمره استاذ شـهم
شـهم:: تنطون.؟! شنو تنطون بلا.!
عـمي:: اجينه ننطيكم ورث ابوكم
شـهم:: يا ورث ومنين طلع ورث للمرحوم
عـمي:: عنده بيت ومن بعنا جاب سعر وأجينه ننطيكم الفلوس
شـهم:: شمعنى هسه جايين وين جنتو هـالسنين كلها
عـمي:: كل شخص بينه مشغول بشي ابني وهسه مانذكر الماضي ونجي للمستقبل هاي ورثكم وأحنه نعتذر لأن قصرنه وياكم
شـهم:: ماكو داعي الصار صار وهاي الفلوس اخذوها الكم مامحتاجين منية شخص علينه
عـمي:: يا منيه ابني ترا ورث ابوكم هذا
شـهم:: مادام منكم مانحتاجه ..بعدين تعال شو ماگلتو على البيت من بعتو يلا اجيتو ليش.؟!!
عـمي:: لأن البيت بعيد منا بمنطقه چول وكلشي مابيها فـ بعنا وجبنا الفلوس الكم
شـهم:: مشكورين تعبتو نفسكم والله
گلتها ودرت وجهي وگفني كلام امي
ام شـهم:: خويه كلام وليدي صحيح وأحنه الحمدالله مامحتاجين خلو الفلوس للطماعين مو الي ولأبني
شـهم::
من حجت امي هيج عرفتها تقصد اخواني
رد عليها عمي::
خيتي احنه الي علينه سوينا وبكيفكم بعد هسه نودعكم ورانه طريق
ام شـهم:: هلابيكم درب السلامه
شـهم::
من طلعو ارتاحيت بس بقت الفلوس ضليت صافن عليهن منا لمن قاطعني صوت امي
ام شـهم:: ها يوليدي شو صافن عليهن
شـهم:: يمه تلطخن بأيدهم هالفلوس هاي
ومستحيل اخليهن هنا
ام شـهم:: وليدي روح اتبرع بيهن لناس فقره
شـهم:: اي يمه اكيد ..يلا انا طالع وها صدك البنيه وين الممرضه
