الـبارت الـسابع عـشر..🤎
بـقلمي:: زهـرة آلـ أبـراهـيم "
لا تنسون تـصويت + تعليق ومتابعة الحساب m24_19
______________________________________________
بچيتني
لحد ما طحت من عيني
أذيتني وماعاش اليأذيني
__________________________________
لـيادرا::
كلها طلعت وأني طلعت كملت شغل اليوم وكعدت يمهم بأثناء كلامنه دخل ابن خال ميثم
:: السلام عليكم
الكل:: عليكم السلام
:: شنو يابه هليام ميثم اخباره ضايعه من عرس لهسه
ام هيثم:: اي بعد تعرف زواج ومسؤوليه اكيد يلتهي
:: يا مسؤوليه هاي!! ترا اربعه وعشرين ساعه يم..
راد يكمل حديثه وقاطعته ام هيثم
:: اي شلونهم امك ابوك
أباوعله مارد عليها عافهه وتوجهه للباب
راد يطلع وأنتبه عليه واگفه يمها
تقرب بأتجاهي وكال
::هاي البنيه هيه زوجة ميثم.؟!!!
ام هيثم:: اي هيه شبيك متقرب يمها
::لا يابه
منين جايبيها شهل أدب والأخلاق والجمال كلهن بـ آن واحد ماشاالله حته صوتها ماسمعته من اجيت لهسه
ام هيثم:: وأنت شكوو منتبه عليها هيج
يلا رووح ماتستحي مخلي عينك على زوجة اخوك
اباوعلها طاحتله رزاله منا لمن وصلته للباب
بس صدمني من كال
::حرامات خليتو البنيه تخسر شبابها علمود هيج شخص مثل ميثم
حجاها وطلع
أندارت علينه ام هيثم ووجهت كلامها الي
ضلت تحجي بعصبيه وحجي مو حلو عافتنه وراحت لغرفتها
ترخصت من البنات ودخلت غرفتي العبره خانگتني بس ماكدر ابجي
لـ شوي اندك الباب
:: تفضلو
أخت ميثم:: هلو حبيبتي عادي ادخل
لـيادرا:: اي يروحي تعالي
اخت ميثم:: لتزعلين من امي ترا من حجت حجت لمصلحتج ماقصدها شي
لـيادرا:: لا عادي مثل امي اعتبرها اكيد مازعل
اخت ميثم:: اي حبيبتي
هسه تعالي وياي لأن تريدج كالت صيحيها الي
لـيادرا:: اوكي بس البس حجابي
اخذت حجابي لفيته وطلعت
ضليت أمشي وراها ساعتها حسيت نفسي رايحه اقابل رئيس الوزراء هيه تمشي وأني وراها استعداد
