الـبارت الـعاشـر..🤎
بـقلمي:: زهـرة آلـ أبـراهـيم "
لا تنسون تـصويت + تعليق ومتابعة الحساب m24_19
______________________________________________
عَيش ولا تِضل تَمشي وَره جروحَك
وأذا مَوجوع دَبّرها
تَره شما سولفت عَ البيك
تُبقى التوجعَك روحَك..🤎
___________________________________________
لـيادرا::
ام رودين:: شنو هالتفكير ميصير هيج لازم تحجين وي امج او ابوج وأذا الولد زين وأبوج يكلج انو زينين وافقي يا خاله لأن الدنيا صغيره وباجر كلشي يصير اهلج يرحون ويعوفونج منو يبقالج ياحبيبتي محد يفيد بهاي الدنيا
لـيادرا:: انشالله خاله الله كريم ومشكوره تعبتج وياي
ام رودين:: انتي حالج حال رودين حبيبتي اي شي تردي اني موجوده وتعالي احجيلي
لـيادرا:: مشكوره خاله عمري الله يطول بعمرج يارب ويخليج خيمه على راس رودين
ام رودين:: حبيبتي لولي الج بالمثل انشالله
لـيادرا::
سديت الأتصال من خاله ام رودين وبقه كلامها بعقلي
..محد يفيد
..باجر اهلج يعوفونج ويرحون
..منو يبقالج.!!!
كمت صليت وسويت استخاره بالقران وطلعت بيها تعرقل وهل شي خوفني اكثر وأكثر ماعرف الدنيا شنو ضامتلي بعد
..
وره كم يوم اتصلو على ابوي وكالو المشيه بهيج يوم
ضلو اهلي يحضرون للمشيه وأجو عمامي وولد عمامي
اني هالفترا كلها اي شي يصير اكعد ابجي نفسيتي صارت تحت الصفر بمعنى الكلمه
اليشوفني يكول هاي مجبوره تتزوج بس هيه بالعكس محد جابرني
بس اني خايفه وأكو رهبه محتلتني لدرجه
اجه يوم المشيه وكعدنه من الصبح للتحضيرات اكيد
ام محمد:: لولي جبتلج فستان دخلي قيسي بلا
لـيادرا:: يمه شوكت جبتي شو ماشفته
ام محمد:: جبته البارحه بليل بس جنتي نايمه وماردت اكعدج
لـيادرا:: شكراً ماماتييي بدونج اضيع اصلاً
ام محمد:: هههه دكومي جهزي نفسج بنيتي الناس على جيه
لـيادرا::
عفت امي وكمت شفت الـ فـُستان كلش حلو شكله لونه نيلي وذهبي ومطعم بكرستال على طوله لمعته حلوه وردانه شفاف
لبسته وكعدت اتمكيج ودخلو عليه
محمد:: اي عيني اي هم صارت مره وراح تتزوج
عباس:: اي والله عود لولي هم راح تلبسين البدله وطلعين عروسه
لـيادرا:: لا راح البس گونية طحين ...وبعدين شدعوه شنو مو بعينكم انوثتييي اني اونثى روقيقاااا ترااا
