الـحُــوُرْ وَ الـقَسـْـوَرْ

الــبـــارت الــســادس

الـــحُــــور وَ الــــقَـــسْــــوَرْ

الـــكــاتــبــة : عـــلــيــا الـــنــاصـــر

الـــبــارت الــ : 6

صَـقــر : من بين سنونة وهو ظاغط عليهن وشوية ويطحنهن طحن ووجه كلامة لندى شجاي يصير هنا هاااه إحچي لچ وسحبها من ذرعها وهزها بقوة هذا الكلب إبن الكلب شجابة هنا شجابة

ندى : بلعت ريگها بس إهدى شويه وخلي أفهمك والله هو إجى بس لحتى يحچي وياك وتحلون سوء التفاهم اللي صار بيناتكم من سنين

صَـقــر : لچ قندره يا سوء تفاهم هذا غبية إنتِ دماغ ما عندچ براسچ كوم مال تبن

سـالـم : هاي شبيك على كيفك وياها تراها خايفة عليك وتريد مصلحتك وو ..

صَـقــر : قاطعة بصوت عالي إكل نعل إنتَ ولا تحچي ولا كلمة ما أسمعلك حتى نفس ولا تخليني أخليك تصير مقعد هالمرة إنتَ وأبوك وأگعدكم يم عمتكم سعدية لچ حيوانة مسويتلي فخ وجبتيني لهنا وطلعتي ناصبتلي كمين حتى أشوفه لهذا السافل ويلتقي بيه ووينهم وينهم سعدية البومة وحويمد السگط هم جايبتهم وياه

ندى : لا والله وغلاتك مو هيچي وأني ما ناصبتلك فخ ولا شي ومو تدري بي إبن عمها لأنسام وأبوه إبن عمه لبابا وهو إجى بالصدفة حتى يشوف أنسام وسَــهـل ومن شافك راد يسلم عليك ويصالحك لأنه يگول مل من المشاكل القديمة وما يريد يعيد الماضي ويفتح صفحة جديدة وياك ويتقرب منك هم وهياته إسأله سـالـم مو تريد تفتح صفحة جديدة وياه