رجعنا وية قصة الجدار وطگطگة حرمل المليونية
بس بأحداث اضافية وجديدة مامذكورة سابقاً
قراءة ممتعة 🩷
راح يكون التنزل يومياً بارت لان عدنا كتابتها من جديد
بس بشرط التفاعل والتعليقات كل بارت فوگ الالفين تعليق يلا ينزل البارت الي بعدة حتى نرجع القصة
لنفس النجاح واذا ماكو تفاعل تتوقف ❤️
حطوها بالمكتبة وانتظروا التنزيل
فتحت عيوني اني بمكان ما عرفة اني بغرفة اي هاي غرفة مرتبة غرفة مال بشر وين اني بين
النايمه والصاحية بين الحقيقة والسراب تهت بس احس اني مو على بعضي اذكرت انضربت
دايخة واحس بعدني نايمة
صحت ومحد جاوبني وما عندي طاقة اتحرك ورجعت نمت ما عرف شكد مر وقت فتحت عيوني
بس
هالمرة شفتة كاعد كبالي ويمسح مسدسة عيونه حمر ونفس النظرة الحادة وعاكد حواجبة
وكال
ابو الاسود : جوعانة؟
سماره : بعدني اريد احجي كام طلع حاولت اروح وراه دخت ووگعت بمكاني فات للغرفة بيدة صينية وكال
ابو الاسود : لتتحركين راسج مضروب
سماره : وين اني منو ضربني طلعتني ؟ صفن علية
ابو الاسود : انت منين طلعتيلي؟
سماره : كتله بفهاوة ها
ابو الاسود : اكلي
سماره : جاوبتة بعصبية ماريد سم اريد اهلي مو وعدتني وينة وعدك
رد عليه وهو يعصر راسة بحركة المتوجع
ابو الاسود : هاي يا مرة الي اكلج بيهة لتسألين؟ سماره : الثامنة
گال شنو بستغراب؟
كتله المره الثامنه حاسبتهم اني
ظهرت على وجهة شبح ابتسامة
ابو الاسود : اردج بس اصبري
سماره : اريد احجي واكول مليت من الصبر طلع وسد الباب قبل ما انطق حرف رجع فتحة كال
ابو الاسود : اكلي وقرآن اكو جوه المخدة طلعي اقري وادعيلي وادعي لنفسج هواي
كتله مليت من الصبر کال
ابو الاسود : الامام علي ع يكول
سأصبر حتى يعجز الصبر عن صبري, سأصبر حتى ينظر الرحمن في أمري, سأصبر حتى
يعلم الصبر أني صبرت على شئ أمر من الصبر
سماره : طبك الباب وطلع صفنت ع الباب كلت بكلبي هسه هو هتلي لو متدين
وفجأة صار رمي قوي .....
تابعوا حسابي على الواتباد حتى يجيكم اشعار
بوقت التنزل 🩵
ولتنسون مثل ما دائماً اوصيكم
اقروا القصة استنتعوا بيها
عيشوا اجوائها و اطووا صفحتها اول ماتخلص
ماكو انسان مثالي ١٠٠٪ وكلنا بشر
ارضوا بواقعكم وحبوا حياتكم مثل ما هي 🩵
