رحمه : حارث
حارث : ها
-ليش اختنگت؟
-منو؟
-انت
-لاما بيه شي
-هستوك كلت اقره سورة الشرح من اختنك
-اي
-شنو اي
-شبيج رحمه
-انت شبيك حارث
-تعبان
-من شنو سولفلي مو كلشي اسولفلك
-ماريد
-براحتك
-رحمه تحبيني؟
-شبيك حارث معقوله تسألني هالسؤال ؟
ابتسملي وهز راسه دخلت سماره کالت راجعين احنه يلا كومي ويايه
حارث: اولاً وين تروح وياج امتحانها بعدله اسبوع ثاني شي انتو بكيفكم اطلعون هسه باليل وين رجلج؟
-رجلي بره ورحمه عادي انجيبها قبل الامتحان
-بله رجاءاً عوفي اطرائاتج الرائعه خلي اطلع اشوف سندباد شيسوي راجع باليل
رحمه: طلع حارث وسماره لمت غراضها وتلح ارجع وياها ربع ساعه ورجع حارث
-كال السماره قفل رجلج ع الرجعه منتضرج بره
اخذ الجنطه من سماره وطلع قبلهة
-سلمت ع الموجودين و شبكتني وكالت تره وره الامتحان اجي اخذج عدلت حجابي وطلعت وراها سلمت على حيدره
سماره: حارث وره الامتحان اجي اخذها بنفس اليوم حارث: الله كريم
رحمه: راحو واني واكفه وره الباب وهو واكف بالشارع التفت عليه وابتسم
رحمه: حارث
-ها يا نبض كلبي
-ما الي واهس ادرس درسني
-صار
دخلنه جوه جبتله المقرر ودفتر وقلم وكعدت بالكاع
-ها شو بالكاع
-علمود الكاع تنطيني طاقة
-نزل تربع بالكاع بس بعيد عني لبس نضارته كال يلا
-حارث
-ها
-شكد تحبني
-عوفي الحب هالساعتين الجايات اني دكتور وانتي طالبه ممنوع كلام خارج محور الدراسه
-شلون دكتور يخبل
-ابتسم وكال يلا نبلش
-انطاني شي كال خمس دقايق تحفظي واسمعج
-اخذته منه بقيت صافنه علي نسيت اصلاً لحيته طولانه وصايره اغلبها بيضه اهل ابويه وراثه عدهم الشيب بحيث حتى مصطفی ملیان شیب اباوع ملامحة شلون حلوه وهادئة بنفس الوقت رجولي
-كملتي؟
-لا
عاط بيه وشمر الدفتر بالكاع
-كال صار ساعه تشخبطين
عقلج وين رحمه مو وكت لعب
-كمت بدون ما احجي وياه لميت كتبي صاح
-تعاي
-كتله ماريد ادرسني
-مو بكيفج كعدي
-ماريد
-رررررحمه گعدي
-ماريد ادرس اريد نسوي عشا جعت
-تعاي كعدي
-رحمه اذا كمت ميصير خير
-شسوي مثلاً؟
-كعدي
-لا لا بله كوم شسوي
-كام واني طكيتها ركضه للدرج التفت علي واكف بمكانه ومبتسم
کتله ترا ما خايفه منك ركضت لان اريد اجيب تلفوني -تعاي يلا خلي نكمل بعد ماصيح عليج
-چذاب
-رحمه
-يلا اجيت
رحت وصدك بده يشرحلي الى ان دخلت الماده براسي وابد ما عصب ومن ما اجاوبه يعصب وبسرعه يغير كملت اتصل العجوز على حارث باوع للمكالمه وما جاوب
-عود ليش مجاوبه
-معليج انتِ
-لا بله
-اروح اشوف العشا احسلي كمت لكيت رؤى مصوفره و واكفه ها ولج شبيج
رؤى : علي ديتصل على حارث
-اي ماجاوبه شيريد
-ع الخطوبه
-عندي فكره
-شنو؟
