علي : چا انت شعدج مصورتها الا اذليني
وبعدين بيني وبينج
اول مادخلت
عبالي مو غرفتي
طلعت ورجعت يلا تأكدت من شفت صورة
عضيدي المطي مصطفى
عموماً صح ماحب الاماكن النظيفة عندي تحسي
منهن بس شكراً
وماكو داعي تسوين نفسج نادرة ترا خطبناج ترة
والفاس وكع بالراس بقينة نتناكر الى نزل حسنين
كلش ضايج ومبدل
حسنين : يمة اذا ردتي شي خابريني طالع اني
جمانة : حتى ما باوعلي
علي : احلف عليكم متعاركين
وداعت ٦ من جهالي متعاركين بس حل حوبتي
جمانة : ليش حوبتك بلة شمسويلك
علي : لان نضفتي غرفتي
جمانة : يا فوكاهة
علي : اي ما عرف انام من اغير مكاني وهسة من نضفتيها
تغيرت فبعد ماكدر انام
جمانة : هو اني هم صوجي
ام حسنين : شو صطيفان ما بين اليوم؟
على : ابغداد
ام حسنين : هذا لو ما جاي على ايدي چان كلت ذابين
سرتة ابغداد
ولك عليوان خاف هذا تهتل ويروح اماكن العياذ بالله
على : أي يمة شمدريج
ام حسنين : صدگ ولك
علي : اي يمة ما تشوفيني ماروح لان كل بالملاهي
ام حسنين : يا تعزيتي يم حارث اكوم اخابرها واكلها
تعال دكلي عليها ولك وافتحلي السماعة ما اسمع
علي : اي يمة كليلها خلي يولي لازم يوكف عد حده الجذاب
ابو النسوان
هاج يمة هاچ دگ
ام حسنين : الووو ها ام حارث اسمعيني
علي : اسمعج حووووول
ام حارث : اي بعد روحي اسمعج
شلونكم شو محد بين منكم اليوم هسة كلت اخابرج
ام حسنين : والله ملتهين وهم فتقدت صطيفان
ولمن اسأل علي يسولفلي مصايب
ام حارث : يا ستار مصایبیش
ام حسنين : اسمعي
هذا صطيفان روحاتة لبغداد كلها ع الملاهي
ويكول علي كلة يشمر فلوس ع النسوان الي يركصن
علي : والعباس ماكلت الجملة الاخيرة
ام حسنين : اي ويكلج يومية يم وحدة
ام حارث : یا تصخمت صدك عود
ام حسنين : اي اي حتى لهاي اليركصن يصعد فوك يركص
وياهن ناهيك عن الشرب
علي : ستيج ستيج بعدين يمة لخاطر الله شمدريج ليش
تخليني اشك بيج
ام حسنين : انجب ولك
الستيج اي
ام حارث : يا ولج خية شسوي لحكيلي اكل الحارث لو
شسوي وجهيني
علي : اي خالة كلي لحارث لان اني نصحت مصطفى
ومافاد
ام حارث : يا يمة علي شلون خاف يذبحة
ما عندة مانع يذبحة بدم بارد
حارث بهاي السوالف ما يتفاهم
واني اكول كاتل روحة على بغداد الهتلي
وهو هسة ابغداد
علي : اي خالة خابرني ڤديو الظهر وراواني البنات يركصن
استغفرت وسديتة بوجهة
ام حارث : چا وين اكو ملاهي الظهر
علي : چا خالة حتى انتي خبرة مثل الوالدة
اشك انتن فيفي عبدو و صوفيناز
مو ام حارث و ام حسنين
ام حسنين : روحي خية وحطيلج حل وية الهتيل ابنج
والافضل تكولين الحارث هو اخو وابو ويعرف يتصرف لايروح يجيبلكم مصيبة
