My Lia (Completed)

My Lia (Part-2)

(Unicode)
လီယာဟာတစ်နေကုန်ကားပတ်စီးရင်းပျင်းလာသဖြင့် လွန်းရဲ့ကျောင်းဆီကိုရောက်သွားသည်။

ခပ်လှမ်းလှမ်းမှလွန်းကျောင်းဆင်းလာတာကိုကားပေါ်ကနေမြင်လိုက်သည်နှင့် လွန်းနောက်
တောက်လျှောက်ကို Lamborghini black ကိုCentre ကခဲရောင်‌တစ်ကြောင်းဖြင့်သထားတဲ့ကားဖြင့် ဖြည်းဖြည်းချင်းလိုက်ပြီး လွန်းရဲ့တစ်နေ့တာ လှုပ်ရှားမှုများကို လိုက်ကြည့်နေပေသည်။

လွန်းဟာမျက်နှာပေါ်ကဒဏ်ရာတွေအကုန်ပျောက်သွားပြီဖြစ်သည်။

ထိုကားရဲ့အရှိန်အဝါကြောင့် လီယာဟုထင် ကြေးပေးချင်နေကြတဲ့သူတွေဟာ လီယာစီးနေကျကားမဟုတ်တာကြောင့် အာရုံမထားတော့ပေ။သူမဟာပုံမှန်ဆို Ferrari Sf90 red car ကိုသာစီးပြီး အခုကားကတော့သူမအကြိုက်ဆုံးမို့မစီးဘဲဥထားရာမှ ဒီနေ့မှထုတ်စီးခဲ့တာဖြစ် သည်။

လွန်းဟာအချိန်ပိုင်းအလုပ်၃ခုလောက်ကိုတစ်
ဆက်တည်းလုပ်နေတာကို သူမဟာမြင်တွေ့ခဲ့ရသည်။ ည၁၁နာရီထိုးသွားသည့်အခုအချိန်မှာမှာသူဟာ အလုပ်ပြီးဆုံးသွားသဖြင့် စားသောက် ဆိုင်ထဲမှလွယ်အိတ်လေးလွယ်ကာ ထွက်လာခဲ့သည်။

'ပွမ် ပွမ်'
ဟွန်းသံကြားသဖြင့်နောက်သို့လှည့်ကြည့်လိုက်သောအခါ သူ့ရဲ့မမလီယာဖြစ်နေတာကြောင့် အလိုလိုပြုံးမိသွားသည်။ သို့သော်သူဟာရုပ်ပြန်တည်လိုက်သည်။

လီယာဟာ လွန်းကိုမကြည့်ဘဲပြောလိုက်သည်။
'တက်'

လွန်းဟာစိတ်ထဲ၌ပျော်ရွှင်သွားသော်လည်းသူဟာလွယ်အိတ်လေးကိုပိုက်ကာ ကားပေါ်တက်လိုက်သည်။

ထိုအခါလီယာဟာ လွန်းရဲ့ပါးပြင်လေးကိုပွတ်သပ်လိုက်ရင်း

'အင်း ဒဏ်ရာတွေမရှိတော့ဘူးပဲ'

အင်မတန်နူးညံ့လွန်းပြီးလူကိုရင်ဖိုစေသည့် ထိုအထိအတွေ့ဟာ လွန်းရဲ့စိတ်တွေကိုယိုင်နဲ့သွားစေလေပြီ။သူဟာတစ်ချက်ပြုံးမိသွားသည်။

လီယာဟာ များသောအားဖြင့်လက်တစ်ဖက်ဖြင့်သာကားမောင်းလေ့ရှိသည်။ လက်သည်းနီပန်းရောင်ကိုမှ ကျောက်ပွင့်လေးတွေစီခြယ်ထားတဲ့လက်သည်းရှည်ရှည်သွယ်သွယ်လေးတွေဟာ စီယာတိုင်ကိုလည်း တောက်နေသေး ၏။