" အကြာကြီးနေမှ အိမ်ပြန်လာရတာ ကောင်းလိုက်တာ "
သူတို့နှစ်ယောက်၏ Condoရှေ့မှာ ညည်းညည်းညူညူပြောလာတဲ့ Nicholasကြောင့် Kက ဟက်ခနဲရယ်မိလိုက်သည် ။ မိဘအိမ်မှာ တစ်ပတ်လောက်လေး အိပ်ရတာ သူ့ခမျာ ဘာတွေပင်ပန်းနေလဲမသိပါ ။
" အဲ့တာကြောင့် ရှေးလူကြီးတွေပြောခဲ့ကြတာပဲ ။ လက်ထပ်ပြီးရင် အိမ်ခွဲနေသင့်တယ်ဆိုတာ "
မဟုတ်မဟုတ် အတွေးခေါင်းထဲဝင်လာတဲ့ Kက ခေါင်းကိုခါယမ်းပစ်ရင်း အလုပ်လုပ်ဖို့ပြင်သည် ။ အိမ်ကို တစ်ပတ်လောက်ပစ်ထားခဲ့တာမို့ ရှင်းစရာရှိတာ ရှင်းရဦးမည်လေ ။
" Gameသွားဆော့လိုက်ဦးမယ် ။ ဖုန်းအားမရှိလို့ အားသွင်းထားခဲ့မယ် ။ ဖုန်းတွေဘာတွေလာရင် ကိုင်ထားလိုက်နော် "
" Nicholas ခဏ ။ ထီးဆောင်းသွားဦး နေပူတယ် "
" ထီးမဆောင်းချင်ဘူး ။ ပျင်းတယ်ဗျာ "
Kက Nicholasပါးကို ချစ်စနိုးဆွဲညှစ်ရင်း ဆူပူရသည် ။ Nicholasတအားဂျစ်တိုင်း သူအလိုမလိုက်ပေးနိုင်ပါ ။
" မင်းထီးမယူသွားလဲရတယ်လေ ၊ ကိုယ်ဆိုင်အထိ ထီးလိုက်မိုးပေးမယ် "
" တအား အဖြစ်သည်းတာပဲ ခင်ဗျား "
Nicholasက သူ့လက်ထဲကထီးကိုဆူဆူဆောင့်ဆောင့်ယူသည် ။ မျက်စောင်းကလဲထိုးနေလိုက်သေးတာများ ..
" ဟိုဘက်ခဏလှည့် "
" ဘာရှိလို့လဲ - အယ် "
Kရဲ့ ပါးတစ်ဖက်ပေါ် ကမ္ဘာမြေရဲ့ဆွဲအားဟာ တဒင်္ဂလမ်းကြောင်းချော်သွားသည့်နှယ် Nicholasရဲ့နှုတ်ခမ်းလေး ပြုတ်ကျလာသည် ။
" ဘာကြောင်နေတာလဲ ထိုးလိုက်တာလေ ။ မကျေနပ်ဘူးလား "
Kကသူ့ပါးသူပြန်ကိုင်ကာ ရယ်နေရုံပဲတတ်နိုင်သည် ။ အထုတ်တွေ ရှင်းလင်းရင်း ခဏအကြာမှာ Nicholasဖုန်းကလာတာမို့ သူကိုင်လိုက်တော့ အိမ်ကဖုန်းဆက်တာဖြစ်နေသည် ။
အိမ်ပြန်ရောက်နေပြီမို့ စိတ်မပူဖို့ပြောရင်း ဖုန်းချလိုက်သည့်ခဏမှာ Kကို စိတ်ဝင်စားသွားစေတာက Nicholasရဲ့ wallpaper ။ သူထင်တာမမှားရင် Cigaretteအတိုအစတစ်ခုကို wallpaperတင်ထားသလိုမျိုးပင် ။ Nicholas ဆေးလိပ်မသောက်တတ်တာ သူသိတာမို့ သိချင်လာရသည် ။
YOU ARE READING
𝙊𝙣𝙘𝙚 𝙄𝙣 𝘼 𝙇𝙞𝙛𝙚𝙩𝙞𝙢𝙚 (𝙆.𝙉𝙞𝙘𝙝𝙤𝙡𝙖𝙨)
FanfictionNothing much, Just Nicholas being K's once in a lifetime ✨ &TEAM KNicho Burmese fanfiction
