"တိုက်လေယာဥ်အသစ်ကို စမ်းသပ်ခြင်းအောင်မြင်ခဲ့တာကြောင့်...ဆက်လက်ထုတ်လုပ်ဖို့အစီရင်ခံစာပါ ဗိုလ်ချုပ်"
စစ်အင်ဂျင်နီယာချုပ်တင်ပြတဲ့အစီရင်ခံစာကို လက်ထောက် Kelvin က Jungkook ဆီတစ်ဆင့်ယူပေးသည်။ Jungkook က ထိုအစီရင်ခံစာကိုကြည့်ပြီး ခေါင်းညိတ်၍ လင်းယုန်တံဆိပ်ပါတံဆိပ်တုံးကိုထုပေးသည်။ထိုတံဆိပ်တုံးက စစ်တပ်ရဲ့အမြင့်ဆုံးရာထူးဖြစ်တဲ့ ဗိုလ်ချုပ် Jeon Jungkook ရဲ့လုပ်ပိုင်ခွင့်ကိုကိုယ်စားပြုသည်။အစီရင်ခံစာပေါ်ထုပြီးသားဖြစ်သွားတဲ့ လင်းယုန်သဏ္ဍာန်တံဆိပ်အောက်တွင် Jungkook ရာထူးနဲ့နာမည်အပြည့်အစုံက တစ်ပါတည်းပါရှိ၏။လက်ရာမြောက်တဲ့ စစ်ဘက်ဆိုင်ရာအစည်းအဝေးခန်းမကြီးက အဆင့်ဆင့်ပြုလုပ်ထားတဲ့ကျွန်းထိုင်ခုံအရှည်ကြီးတွေဖြင့် ဖွဲ့စည်းတည်ဆောက်ထားပြီး ခန်းမရဲ့ထိပ်ဆုံးမှာ ထိုင်ခုံသုံးခုံရှိသည်။အလယ်တည့်တည့်က King Park ထိုင်ခုံဖြစ်ပြီး တစ်ဆင့်နိမ့်တဲ့ညာဘက်အခြမ်းကထိုင်ခုံက Crown Prince နေရာဖြစ်ပြီး Crown Prince ထိုင်ခုံနဲ့တစ်တန်းတည်းရှိသည့် ဘယ်ဘက်ကထိုင်ခုံက Jungkook ထိုင်ခုံဖြစ်သည်။အစည်းအဝေးတိုင်းကို Royal Family ကတက်ရောက်စရာမလိုတာမို့ လောလောဆယ်တွင် King Park နဲ့ Crown Prince ၏နေရာလွတ်နေသည်။ထိုကဲ့သို့သောအခြေအနေမျိုးတွင် Jungkook ကတစ်ဆင့် King Park ဆီအခစားဝင်ပြီး ပြန်လည်လျှောက်တင်ရတာဖြစ်သည်။
"ရှေ့လမှာ စီလွန်နိုင်ငံနဲ့...စစ်သံတမန်ရေးရာချစ်ကြည်ရေးပွဲရှိတယ်...ဒါကြောင့်...ပုံမှန်လေ့ကျင့်ရေးကိုနှစ်ဆပိုတိုးမြှင့်သွားမယ်...လေ့ကျင့်ရေးမှာဒါကိုအဓိကထားပြီးလုပ်ဆောင်ပေးပါ ဗိုလ်မှူး Choi Suho "
"နားလည်ပါပြီ ဗိုလ်ချုပ်"
နီရဲရဲနှုတ်ခမ်းတစ်စုံကိုတင်းတင်းစေ့ပြီး ကြည်လင်ပြတ်သားစွာပြောလာတဲ့ ဗိုလ်ချုပ်မှူးကြီး Jeon Jungkook စကားကို လေ့ကျင့်ရေးတပ်အရာရှိဗိုလ်မှူးက နာခံကြောင်းခေါင်းညိတ်ပြသည်။
"ဒါဆို...ဒီနေ့ကျင်းပရတဲ့အစည်းအဝေးပြီးပြီ"
Jungkook စကားသံဆုံးတာနဲ့ ထိုင်နေတဲ့စစ်အရာရှိတွေအားလုံး တစ်ပြိုင်နက်မတ်တပ်ရပ်၍ သတိကပ်ပြီးအလေးပြုကြသည်။ Jungkook ကကိုယ်နေကိုယ်ဟန်ကိုသေချာပြင်၍ မတ်တပ်ရပ်ပြီးအလေးပြုတဲ့ထိ နဖူးစောင်းကလက်တွေကိုမချစေပဲ Jungkook လက်ချပြီးမှ တစ်ပြိုင်နက်တည်းချ၍ 40 ဒီဂရီလောက်ခေါင်းငုံပြီး အရိုအသေပေးကြသည်။လက်ထောက် Kelvin နဲ့ Jungkook ထွက်သွားမှသာ သူတို့လည်း စီစီရီရီ နောက်ကလိုက်ထွက်ကြသည်။
