စီးနှင်းတွေ၏အခိုးရိုက်ခတ်မှုကြောင့် စီးနှင်းငွေ့တွေဖြင့်ဝေဝါးလွန်းနေတဲ့မှန်ပြတင်းတံခါးကို Taehyung ငေးနေမိသည်။အပြင်ကရာသီဥတုသည် မည်မျှအေးခဲနေမလဲဆိုတာ ထိုပြတင်းတံခါးကိုကြည့်တာနဲ့တင် ခန့်မှန်းရလွယ်သည်။ရာသီဥတု၏အအေးဒဏ်သည် heater မရှိသောအခန်းထဲထိတိုးဝင်လာပြီး အေးစိမ့်စိမ့်ဖြစ်လာသည်။အခုချိန်လောက်ဆို တစ်ညလုံးအနွေးဓါတ်ပေးနေတဲ့ ကြမ်းအောက်ကမီးလင်းဖိုကြီးလည်း မီးသေသွားလောက်ပြီဖြစ်မည်။သို့သော် သူ့ခန္ဓါကိုယ်ကတော့အေးစက်မနေဘူး။လိုတာထက်ပင်နွေးထွေးနေသည်မှာ အနောက်ကနေသိုင်းဖက်ထားတဲ့ Jeon လက်မောင်းတွေနှင့် ရင်ခွင်ကျယ်ကြီးကြောင့်ပင်။
မနေ့ညက ရိုးရာအရက်တစ်မျိုးကို အိမ်ရှင်အဘိုးကဧည့်ခံသဖြင့် Jeon ရော Crown Prince ရောသောက်ခဲ့ကြတယ်။သူကတော့ ဘေးနားကထိုင်ပြီးပဲ မသိထားသေးတဲ့ ကိန်းရဲ့ဗဟုသုတတွေကို အဘိုးကိုမေးရင်းအချိန်ကုန်ဆုံးခဲ့တယ်။ရိုးရာအရက်ကအတော်ပြင်းပုံပေါ်ပြီး အရက်ခံနိုင်ရည်မြင့်တဲ့ Jeon ကိုတောင်ယိုင်ထိုးသွားစေသည်။Crown Prince လည်း 3ခွက်လောက်နှင့်မှောက်သွားခဲ့တာမို့ အဘိုးရဲ့သားအကြီးအကူအညီဖြင့် အခန်းထဲသို့လိုက်ပို့ခဲ့ရသည်။Jeon ကတော့ အများအမြင်မှာ သူ့ mate ဖြစ်နေသည်မို့ ကိုယ်တိုင်တွဲပြီးအခန်းထဲထိဆွဲခေါ်ခဲ့ရသည်။တစ်ကယ်မူးသွားတဲ့ Jeon က မူးနေတဲ့တစ်ချိန်တော့ချစ်ဖို့ကောင်းလွန်းသည်။သူ့ကိုပွေ့ဖက်ပြီး ဗလုံးဗထွေးဖြင့် စကားတွေအများကြီးပြောခဲ့သည်။နားထင်စပ်ကိုလည်း အကြိမ်ကြိမ်နမ်းခဲ့သည်။
ဒါပေမယ့် သူမပျော်ခဲ့ဘူး။Jeon ပြောခဲ့တဲ့စကားတွေက သူ့ကိုဘယ်လိုမုန်းတယ်ဆိုတဲ့ အကြောင်းတွေချည်းဖြစ်ခဲ့တာမို့လို့ပဲ။ဘာလို့မုန်းသလဲဟုမေးကြည့်တော့ Jeon က သူ့ပါးနှစ်ဖက်ကိုအုပ်ကိုင်ပြီး ရီဝေနေသည့်မျက်ဝန်းတွေဖြင့် အတန်ကြာစိုက်ကြည့်၍ ဘာအဖြေမှပြန်မပေးခဲ့ဘူး။ပြီးတော့ နှုတ်ခမ်းကိုဦးတည်လာပြီး ဖိကပ်နမ်းတယ်။မလိုချင်တဲ့အနမ်းတွေမို့ ခေါင်းကိုအတင်းခါယမ်းတော့ Jeon ကစကားတစ်ခွန်းတည်းနဲ့ သူ့ရုန်းကန်နေမှုကိုရပ်စေခဲ့သည်။
