صياد " الجنوب "
بقلمي الكاتبه مسره علي
لاتنسو التصويت + التعليق بين الفقرات ❤
لا أعلم كيف انجرفت إلى تلك الهاويه بسرعة البرق
ثم سقطت في ضلام دامس اشبه بذالك الضلام القابع.....
___________________♣️___________________
رفعت راسي من الجنطه والتفتت للبنات اغلبهن نايمات
رجعت التفتت على المُدرسه تكتب على سبوره مامهتمه منو مركز وياها اهم شي عده تكتب وتطلع
اففت بضجر تعبانه وجوعانه من اذكر راح ارجع للبيت
أكتأب أكثر قاطع تفكيري صوت الجرس التفتت النه وكالت .. يله اكتبو وطلعت كل وحده كامت اسبه كتبنه عسريع وشلت جطتي وطلعت أنتضر الخط
وصل صعدت خليت راسي على شباك وكل مااقرب اوصل البيت نفسي يضيق
سرحت بأفكاري ورجعت لليوم المشئوم اليوم الجه بيه ابويه حتى ياخذني ...
هلاك:: جنت صف ثاني متوسط جنت عايشه يم جدي
لان أهلي مايردوني بس لأن اجيت ابنيه مو ولد ..
جدي سماني هلاك.. ومحد اعترض جان هو امي وابويه
وصديقي جان كلشي بنسبه الي علمني على الصح والغلط وجنت كل اليصير وياي احجيله جنت مكروه من كرايبي حرفياً لأن اني السان ماسكت واني جنت هم ماطيقهم قاطعت تفكيري أيف
ايف:: وين شارده وصلنه انزلي .
هلاك:: هزيت راسي اي ونزلت دكيت الباب منتضره أمي تفتحه .. فتحته كشولت بوجهي.
هلاك:: بعد لو متأخره أكثر..
جنان:: سدي حلكج واصعدي بدلي وانزلي يم اخوانج آني طالعه
هلاك:: ضحكت بستهزاء وعفته تغلط لأن ضحكت
دخلت غرفتي وركعت الباب بقوه صرت انزع ملابسي بعصبيه بدلت وكفت اهدء من نفسي بتسمت واني اذكر لازم اراسله سحبت تلفوني وكتبت
💬 يحلو رجعت من الدوام اذا خلصت اتصل علي
كتبلي
💬 تمام بابا
ابتسمت يربي شكد احبك الوحيد المصبرني
نزلت لكيته طالعه دخلت للمطبخ اشوف شطابخه مثل كل مره ماطابخه شي فركت وجهي بقلت صبر وبديت احضر أكل وآني اذكرت شلون جنت عايشه مرتاحه يم جدي لحد اليوم الي اجه بيه ابويه حتى ياخذني...
يوم الخميس شهر رابع جنت راجعه من المدرسه لكيت ابويه كاعد يم جدي ماسلمت عليه لأن جنت كارهته وبداخلي كره تجاها تجاهلته ورحت لجدي حضنته وبسته براسه الشخص الوحيد اذا احضنه احس بأمآن الدنيا كلها بحضنه ارتاح من كل همومي بالحضه سمعت ابوي اول مره يكول أسمي
حسام":: هلاك !!
هلاك:: درت وجهي بصدمه وحسيت بضيق بصدري ماحجيت شي بس نضراتي حجت كل شي ليش جاي شعنده وليش كال أسمي ؟
حسام:: ماراح تردين علي؟
هلاك"؛: حجيت بتوتر .نعم!
حسام:: جاي أخذج البيتنه بويه
أنت تقرأ
صياد " الجنوب "
Mystery / Thrillerكل الحرباء داهية في الذكاء وحنونه دائماً ومثل الكبريت تشتعل بسرعه ومثل الُغم موثوق
