صياد " الجنوب "
بقلمي الكاتبه مسره علي
لاتنسو التصويت +التعليق بين الفقرات ❤
آخذني لـ وين مآ عندك
آنه بـ گلبي بيآض هوآي
يرهم سآلفه لـ خدك !
وآحليك بـ سمآري ولهفتي تدفيك
وآوگع وين مآ ودك !
وآنه كُلي حنين و حتى اذآ زعلآن
من تشتآك مآ آردك ! ...
___________________♣️___________________
جاد::- كضيت اليوم كلهه يم عباس نمت بغرفت رسول وهو يمي وكل تفكيري اذا درهه ابويه شيخلصني فززني من صفنتي رسول وهو يكول.
رسول_ هسا انتَ توازيت وكتلَ اباوع على أختك
جاد_ شمدريني اول تالي اروح اتحرش بنات العالم
رسول_ يابه يلا ماصار شي عباس يحلهه
جاد_ أكثر شي غاثني عباس أدخل بسالفه
رسول_ ليش؟
جاد_ هيج انسا يلا تصبح على خير
رسول_ وانتَ بخير
انطيته ظهري ضليت افكر اصار بخشم الولد معقوله كسرته اي يستاهل يطبه طوب غير هو كسر ايدي
حاولت انام ماكدرت باوعت على رسول غاط بنومه سحبت نفسي على كيف وطلعت برا كعدت بالحديقه وأدخن سمعت حركهه وراي طفيت الجكاره بسرعه والله انلكفت وكل البالي عباس رجع وشافني اني وادخن لحد ماسمعت صوته وهيه ادكول بهمس
زهراء_ ليش كاعد بهيج وقت؟
التفتت عليه وصرت احمحم
جاد_ احم هذا شسمه احم ماكدر أنام لأن مو بفراشي
زهراء_ اسويلك چاي؟
جاد_ ماريد اتعبج
زهراء_ تعبك راحهه هسا عسريع اسويلك
هزيت راسي وهيَ راحت اسوي چاي رجعت لمكاني كعدت ودك تلفوني شفته مُهام رديت واجآني صوته بعصبيه
مُهام_ اي سرسري طايح الحض شعندك تتحرش بنات العالم ولك ماعندك خوات ماتخاف عليهن؟
جاد_ خلصت ؟
مُهام_ يابه وعلي بختك عباس شفع الك چان هسا مطيح حضك وأربيك من جديد
جاد_ لاتاخذني بصوتك العالي افتهمت لو لا وبعدين اني ماتحرشت بس هو لأن لوه أيدي كتله اباوع لأختك
مُهام_ انجب احسلك وهسا اسمعني زين اضل يم عباس ماتطلع من البيت وباجر ادزلك ملابس بيد موج المدرسه لا تروح انه أخذلك اجازه لحد ماحل السالفه
جاد_ اي يلا ولي عني
بعده يحجي وسديته بوجهه هاي وين راحت هو چاي شسالفه بعدني أحجي وأشوف الچاي اتقدم كبالي
أنت تقرأ
صياد " الجنوب "
Mystery / Thrillerكل الحرباء داهية في الذكاء وحنونه دائماً ومثل الكبريت تشتعل بسرعه ومثل الُغم موثوق
