صياد "الجنوب "
الكاتبة مسره علي...
لاتنسو التصويت +التعليق الفقرات ❤
خليني أبات وي الرمش
وأحرس سواد عيونك..
وأتعثر بليلك حلم
بلكت تفز جفونك ...
بسم الله الرحمن الرحيم
__________________♣️____________________
موج::_ أركض وأتلفت اريد أصرخ وصوتي مايطلع وكفت عاجزه عن الحركه يباوع عليه كأنو لكه فريسته ضليت أصرخ لحد ما الذيب صار يمزق ملابسي ....
فزيت مرعوبه وجبيني متعرق مسحت على شعري خليت أيدي على كلبي أهدء من نفسي شنو هذا الكابوس نضرات الذيب ماتروح من بالي
شربت مي وقريت سورة الكرسي حرفياً الكابوس رعبني كأنو حقيقي سحبت تلفوني شفت الساعه 2:30
حاولت انسى الحلم ماكدرت دخلت على لأنستغرام عجبني أنشر أستوري لعيوني نشرته وتركت التلفون كمت أغسل وجهي من رجعت شفت جايني أشعار جان واحد راد على أستوري مخلي صوره لون أسود كاتبلي
_ شعجب جاد يخليج تنشرين صورج. ؟
صفنت هذا منين يعرفني ويعرف جاد رديت عليه كتبتله
موج_ منو حضرتك منين تعرف أخويه ؟
._ آني أبن جيرانكم مُهيب
صخام بوجهي صخام الصخمني عززه المن رديت على الولد عضيت اصابعي لأن رديت عليه رجع كتبلي
_ مسحيه ترا اعرف جاد يكره هيج سوالف
موج_ أحم أنتَ وجاد أصدقاء ؟
_ اي هيج شي
مارديت عليه هو بعد ما كتب فعلاً رحت حذفت الستوري
ردت أنام ماكو قررت أزعج عباس أكعده أتصلت بيه ماجاوب رجعت أتصلت وهم ماجاوبني عفته ضليت أتكلب بفراشي دك تلفوني شفته عباس ضحكت جاوبت وآني أضحك
موج_ كعدتك من نومك موو
عباس_ الخاطر هل الضحكه تمونين
موج_ اممم
عباس_ اي صغيروني شعندج بهذا الوقت
نمت على بطني خليت أيدي على خدي وكتله
موج_ شفت كابوس وطير النوم من عيوني
عباس_ اااخخخ هيج الكابوس يخلي بناتي ماتنام
موج_ اي عباس يخوف
سمعته شغل جكاره وكال
عباس_ وكلتي مادام مانعس خلي أزعج هذا المسكين
موج_ امممم عندك أعتراض سيدي
عباس_ لا يبوي أنه اعترض أحجيلي وانه اسمعج يلاا
أنت تقرأ
صياد " الجنوب "
Mystery / Thrillerكل الحرباء داهية في الذكاء وحنونه دائماً ومثل الكبريت تشتعل بسرعه ومثل الُغم موثوق
