صياد" الجنوب "
الكاتبة مسره علي
لاتنسو التصويت +التعليق بين الفقرات
خليني أبات وي الرمش
وأحرس سواد عيونك..
وأتعثر بليلك حلم
بلكت تفز جفونك ...
بسم الله الرحمن الرحيم
____________________♣️__________________
موج::- اباوع عليه منتظره يكلي شبي عباس وكل أهلي استغربو ويردون يعرفون اصاير مُهام بس خازرني اتقدم عليه سحبني من أيدي أخذني وياه
موج_ عباس شبي ؟
مارد عليه فتح باب السياره وأشرلي اصعدي
صعدت بلا مارد عليه وهو صعد بصفي شغل السيارة باوعت عليه ورجعت سألته
موج_ كتلك عباس شبي جاوبني
مُهام_ تردين تزوجين مو
عكدت حاجبي مافهمه شي باوعت عليه
موج_ يا زواج انتَ شتحجي ؟
مُهام_ موج افهمي غير عباس ماتزوجين
موج_ شنوو اهووو بكيفك
مُهام_ اي بكيفي ترديني اشوف صاحبي هو منهار بس الخاطرج
موج_ مازوج لا عباس و لا غيره هاهيه
مُهام_ عباس ضغطه مرتفع بسبب منو
موج_ بسببي كل شي بسببي
مُهام_ اي بسببج
سكتت عنه وأحس روحي راح تطلع من كد القهر عضيت على شفايفي حتى أكتم دموعي
مُهام_ موج باباْ انه اريد مصلحتج
صارت بس شهكاتي تطلع وكف السياره سحبني الحضنه صار يمسح على شعري ويبوس براسي
مُهام_ هاهيه بابا كافي مايصير غير التردينه
بعدت راسي من حضنه باوعت عليه بدموع
موج_ ماكره عباس أنتَ تعرف شكد أعزه
مُهام_ أدري بويه
موج_ بس ماكدر أنضرله غير أخ ألي
مُهام_ بس هو شنو ذنبه ماسوه شي غلط غير حبج
موج_ وآني ماكدر أحبهه ماترهم بس وداعتك ماكسر بيه
تحسر شغل سيارته يرجعني للبيت هو راح تلكتني أمي تريد تعرف أصاير ماحجيت شي عفته وصعدت غرفتي
أتصلت على زهراء حتى أطمئن على عباس ردت عليه
موج_ زهراء عباس شلون صار
زهراء_ أحسن هسا نايم
موج_ تكدرين تاخذين التلفون الهه اريد أحجي وياه
أنت تقرأ
صياد " الجنوب "
Mystery / Thrillerكل الحرباء داهية في الذكاء وحنونه دائماً ومثل الكبريت تشتعل بسرعه ومثل الُغم موثوق
