صياد " الجنوب "

بارت 37"

                    (( صياد الجنوب))

                (( الكاتبة مسرة علي))

"" "" "" "" ""''" ""

وكلشي مامحتاج منك بس أشوفك.

وهيَّ لاترهم وأحبك ولا عرفت شلون أعوفك.
"" "" "" "" "" "" "" "" "" "" "" "" "" "" "" "

(( لطفا لاتنسون التصويت والتعليق بين الفقرات))
__________________♣____________________

                       {مُهام::_}

قطع انفاس، أيادي حاقدة قاتلة، اصوات، وضجيج عقلي يلوم ويرفض، ضعف جسدي.

من بعد ماطلعت من المستشفى، رجعوني نفس الزنزانه، وكل هذا ماكفو تعذيب عني شوفني العجايب
بالنهار يبدي يعذبني جسدياً، وبليل تعذيب نفسي

ماتحمل صوت تنگيط بوري الماي ، كسرتها أكثر من مره ورجعو سوها
سديت أذاني بأيدي مانع الصوت، أعصاب أيدي من وحدها أرتخت، وأصوات صارت براسي نطت أوردة أيدي من العصبية قبضة چف أيدي وضربتها بالحايط من الجنون الصابني ضربت على راسي حتى تختفي لأصوات، أنفتحت الزنزانه ودخلت رونق
باوعتلها ألهث من العصبية، تقربت مني تشوفني شبية
شافت أيدي تنزف رادت تلزمها نترتها منها
ولزمتها من زندها عاصره دفعتها على الحايط وعطت بيهاا

مُهام_ لعبتججج أنتِ وصفوانن أنكشفتتت
_ سيدي عن شنو تحجي، شو بس باوعلي شبيك ليش هيج معصب

مُهام_ لاتصيريننن غبية گبالي ترااا كاشفجج

_ أهدء وخلينة نحجي بهدوء

مُهام_ أبوجج يعرففف بلعبتججج؟؟!!

لزمتني من تشيرتي وسحبتني عليها أكثر

_ سيدي شگد ماتعصب أحبك أكثر

عگدت حاجبي وأشرتلها بمعنى مخبلة، أبتسمت تك خد وكملت كلامها

_ أي متخبلة عليك

ردت أبتعد عنها قربتني أكثر عليها وتلمست أوردت أيدي

دفعتها عني ورحت اگعد خليت أيدي على راسي أحاول أهدء، أجت وكفت مقابيلي
_ ألوحيد الرفض قربي منه هو أنتَ
_ روحي بنتي الله يهديج
_ صياد أني عاشقتك بجنون من زمان
_ طلعي جنونج على غيري أنا مافيدج رجال مزوج
_ شمزوج غير الماخذها جاهل، وحتى ماتعرف تصرف تفكر بطيش وتسوي بس البراسها

رفعت حاجبي وگفت مقابيلها أخذت خصله من شعرها ألعب بيها وأحجي
_ جاهل مو؟
_ أي
_ تدرين أنتِ أذكهه منها بهواي
_ أعرف ماداعي دگلي

حجتها وهيَّ تتلمس الشاش البصدري
مُهام _ أنتِ السبب بهذا الحرگ مو؟
_ أي، صح أني ردت أشوفك متوجع
_ أنتِ متعاونه ويا عدنان؟