(( صياد للجنوب ))
(( الكاتبة مسره علي))
(( لاتنسو التصويت +للتعليق بين الفقرات لطفا ))
"""""""'""""""""""""""
عِن يّا جَرح روحِي مَا حچَتلك
عمَت عينِي أعَلة عينِي شَگد بچتلِك ...
""""""""""""""""""""""
_____________________♣️_________________
{ هلاك::-}
هلاك__ شگد اصبر مُهام مو فاض صبري تعبوني
مُهام __ بس كم يوم مابقى شي وأخلص من عدنان من اخلص اجي واخذج منهم.
هلاك__ اسندني مُهام محتاجتك تسندني
مُهام__ أسندچ بگلبي أذا چان الچتف مخلوع...
رجعت راسي حاضنته ماريد أفترق عنه أريد أحس بلأمآن .
مُهام__ بوية خاف قربنه حرام؟
__ مايهمني أريد بس أحتمي بحضنك
__ وننترس حرام بسبب سوالفج الماصخه؟
__ تدري بيَّ أسودن من أشوف غيري يتقربلك.
__ وهيج الطلاگ سهل عندج وأطلبينه؟
هلاك__ من أعصب ماعرف شحجي وبعدين أنتَ ليش تسمع كلامي وطلگتني؟
مُهام__ غبي وسمعت الزعطوطه
قبضة كف أيدي وضربته على صدرة صاح بوجع وخرت بسرعه عن حضنه .
__ أسفه اسفه نسيت حرگ صدرك
__ ترا شبعت أذيه بسببج
__ آسفهه وجعتك؟
مُهام__ أي وجعتي روحي وگلبي، من طلبتي الطلاگ موتيني ألف مرة.
هلاك__ وأنتَ ليش تسمعلي وأطلگ؟
مُهام__ حسيت أنا فعلاً ضالمج وياي وكسراتي ألج صارن هواي ردت أخلصج من تعبج بس لكيت نفسي أنا لأتعب بفراگج هلاكي أنا وأنتِ مانگدر على بعدنه
هلاك__ رجعني على ذمتك مُهام
__ هم ارجعج وهم ترجعين السوالفج التعبانه
__ آسفة أعرف تسرعت بس و الله غيرتي تحكمت بيَّ
__ بوية أنا هيج بنظرج واحد خايس وأخونج؟
__ لاا.
أتحسرت ودرت وجهي عيوني تلالي بالدموع بأيده دار وجهي عليَّ وأيده الثانية خلاها على خصري وسحبني عليَّ أكثر .
مُهام__ عايني عليَّ
رفعت راسي صارت عيني بعيونه تفاديت نظراته الكلهن شوك ولهفه نزلت عيوني على لحيته الطالعه حتى أتشر من عيونه .
مُهام__ عيونج هلاك خليهن بعيوني خلي أشبع منهن .
مديت أيدي أتلمس لحيته وغلست على كلامه .
__ صيادي لحيتك صايرة ثخينه خففها .
__ ليش تغيرين الموضوع؟ معقوله أبليسي خجلان؟
__ مو دكول حرام قربنه ليش تتقرب ويصير ذنب علينه؟
ضحك بخفه وأبتعد عني گام يعدل بملابسة ويحجي
مُهام__ صاير يستحرم أبليس ؟
__ وين رايح ؟
__ كافي بوية شفتج وهسا أروح
__ وتعوفني ؟
حجيتها ونزلت دمعه مني كعد بصفي وحضني على صدرة ويحجي
__ لو بأيدي أبقى كل العمر وياج
__ لو بأيدك؟
مُهام__ بوية بغبائج خربتي كلشي وهسا لازم أرجع أبدة من الصفر .
هلاك__ مافتهمت؟!
__ أحسن لاتفتهمين
__ شنو البراسك مُهام ؟
__ أنتِ بوية
أنت تقرأ
صياد " الجنوب "
Mystery / Thrillerكل الحرباء داهية في الذكاء وحنونه دائماً ومثل الكبريت تشتعل بسرعه ومثل الُغم موثوق
