صياد " الجنوب "

بارت 23"

                       (صياد الجنوب ))

                 ((والكاتبة مسره علي ))

    ((لاتنسو التصويت +التعليق الفقرات لطفا ))

ما باچيلك انَه
الهسَه مصَدوم
سودَه بوجهك
عَلى اخر رسَاله! ...

                             ((﷽))
___________________♣️___________________

زهراء::_ موافقه على الزواج من اخوج

جميله::- عفيه عليج هسا تعجبيني

باوعتلها بطرف عيني والغصه لازمتني راحت گعدت يمهم وگالت

جميله_ أنطيني البشاره عمه

باوعتله أمي مامفتهمه ورجعت باوعت عليَ بشك كملت كلامها جميله وكالت

جميله_ بنتج وافقت على أخوي

أمي من الصدمه فتحت عيونها على وسعهن وتباوعلي ضحك أمير وتوجه عليَ باسني براسي وكال

أمير_ عفيه عليج هسا أني راضي عليج

عفتهم يحجون وصعدت غرفتي أحس نار وشاعله بگلبي أريد أخذ النفس ماكدر أهفي بأيدي على وجهي حتى مابجي دقايق وصعدتلي أمي تلهث من صعدت الدرج

زهراء_ ماما ليش صعدتي جان صحتيلي وآني أجيج

أم عباس _ اششش حسج ماسمعه ، ولج شني هذا الحجيتي جوه هاا

زهراء_ تعالي أكعدي خلي أجيبلج ماي أشربين باعي على نفسج شلون جاي تلهثين

كعدتها ونزلت أجيبله ماي أسمع جميله أتخابر وتتفق ويا أهلها على الخطبه أخذت الماي وصعدت

انطيته الها أخذته تشرب وهيَ تباوعلي

كعدت يمها متجاهله نضراتها

أم عباس _ ولج شني يازواج فهميني

زهراء_ ماكو شي أفهمج عليَ ماما مصطفى طلب أيدي وآني وافقت

أم عباس _ وجاد ؟

بس كالت أسمه فز گلبي باوعت عليها عيوني غوركن بالدموع وهمست_ شبي؟

أم عباس _ مو هو يريدج وأنتِ تردينه شنهو الغير رئيج هسا ؟

زهراء_ يمة أهله مايقبلون بيَ ولاراح يتقبلوني بيناتهم

أم عباس _ أي هاهيه عوفي جاد ومصطفى كذالك مازوج ولا واحد بيهم تبقين يمي

زهراء_ يمة ليش ماتفهمين آني قابله بمصطفى

أم عباس _ لا ماراضيه عبالج ماعرفج أكيد هاي جميله لاعبه بعقلج

زهراء_ مو صغيره ونلعب بعقلي آني شايفه مصطفى خوش ولد ومابي شي خليني أزوج حتى جاد يكدر يشوف حياته