صياد " الجنوب "

بارت7"

صياد "الجنوب "

لاتنسو التصويت + التعليق بين الفقرات

رُبما تشتاقُ يوماً للذي
زرع المحبّة واختفى
لتعيشَ في الدنيا وحيدا

لا تفكّر كيفّ غاب
خلفَ أستارِ الغياب
لا يغيبُ القلبُ إلّا
إن رأى حُبًا جديدا ! ...

بسم الله الرحمن الرحيم

____________________♣️__________________

هلاك::_ مرت الأيام وعلي نفس ازعاجه ألي

قررو أهلي يسافرون وأني افكر شلون راح أشيل مسئولية البيت وأخواني والمدرسه

أول يوم سفرهم ماصار مشاكل بنهار بالدوام وباليل يبات يمنه عمي صباح او الولد ضي وسند وبسام

ثاني يوم كعدت على وجع بطني كتمت الوجع حتى محد يخاف عليه أجهه عمي صباح علينه واكفه أحجي وياه وأحس الوجع أخذني لحد مانغمه عليه

فتحت عيوني ادور على عمي ماكو لحد ماحجه وياي المضمد صديق أبويه

_ ها بويه عمج هسا يجي

هلاك_ اكو وجع بطني دمرني

_ اي عندج التهاب بالمعاء حاد

سكتت عنه شويه وأجهه عمي سندني حتى أكوم صعدني السياره وأتصل تلفوني شفته علي تأفئفت و رديت

هلاك_ نعم

علي_ وين أنتِ؟

هلاك_ بالبيت خير

علي_ ليش أجذبين ؟؟

هلاك_ وليش حتى أجذب عليك

مارد عليه سد لأتصال ودزلي صوره السيارة البيه أني

ورجع اتصل رديت

هلاك_ شنو تراقبني؟؟؟

من أنتبه عمي سديته بوجهه وعمي صباح عاكد حاجبه

صباح_ منو اليراقبج؟ ؟

هلاك_ هاا هذا محد

هز راسه كأنو مامصدك بيهه وصلني للبيت وكال باليل اجيكم

ضغطت على وجعي وكمت أسوي أكل لأخواني جاي أحضر بالأكل وبجيت من القهر والوجع أهلي مسافرين يتونسون ما سائلين علينه مسحت دموعي وخليت لأكل وصحت على زيد وأمير يجون ياكلون

بديت أنضف بالبيت وأيدي بيه كانونه ماهتميت الوجع بطني ضليت أنضف لحد الغروب يله خلصت

باليل أجهه عمي صباح فرشتله بالستقبال هو وأخويه زيد واني وأمير نمنه بغرفتي جنت لابسه بدي نص أردان أسود وشعري تاركته مفتوح نايمه وفزيت ساعه 2:30 عطشانه ردت أكوم اشرب

فتحت عيوني بوسعهن وأني شوف شخص كاعد مقابيلي بس جمرة الجكاره مبينه

سحبت الغطه على راسي واني أهمس