" أبيها ياسعُود لو إنها عذابي "

البارت 1

بسم الله ونبداء
-
في الديره وتحديدًا في بيت الجد عبدالله
مشعل : عيال يلا قوموا صلاة الفجر بتروح جدي بيجي الحين
فيصل : خلهم يجي جدي الحين يمردغهم
عبدالعزير و سعود صاحين من قبل 
عبدالعزيز : عيال قوموا جدي ينتظرنا في الحوش
دخل عليهم الجد عبدالله : قم انت وياه الصلاه بتروح علينا بسبتكم ماتستحون انا اوريكم
تركي وطلال قاموا بعد ما ضربهم الجد عبدالله ب العصا وهو يتحلف فيهم
طلع الجد عبدالله وهو معصب وراحوا وراه العيال وهم يضحكون على تركي وطلال
تركي : طلال ياخي اخلص بتروش لازم تقعد ساعه بالحمام  (يكرم القارئ )
وأخيرًا خلصوا تركي وطلال وطلعوا
الجد عبدالله : اوريك انت وياه بعد الصلاه كم مره قلت ناموا بدري
طلال : العذر منك ياجد والله مانعيدها

-

عند البنات
الجده فاطمه يلا ي بناتي اخلصوا بالفطور بيجي جدكم الحين
عبير : ابشري ياعمه قربنا نخلص
وصايف : وين البنات عادهم نايمين يويلهم من عمي
الهنوف : والله انا المظلومه كل شي علي في البيت
وجدان : يالخاينه وانا وش قاعده اسوي من اليوم
عبير : خلو منكم الهواش وحده تروح تصحي البنات بسرعه
وجدان : انا بروح يمه
وعد : وجدان ابعدي عني خليني انام مانمت زين
وجدان : قوموا جدي قرب يجي يويلكم منه
ريم : ياخي وجدان تراك مزعجه خلاص بنقوم
راحت وجدان المطبخ بعد ماصحت البنات
حصه : وجدان حبيبتي شيلي السفره حقتكم حطيها في الصاله
وجدان : ابشري ياعمه
عبير : يلا وانتي ي الهنوف شيلي سفرتنا حطيها في الحوش
الهنوف : طيب
طلعت الهنوف تحط السفره في الحوش
عبير وصايف وحصه طلعوا وكل وحده معها صنف
دخل الجد عبدالله الله يعطيكم العافيه ي بناتي
النسوان : الله يعافيك ياعم
وبدو يفطرون

-

عند البنات
الهنوف : بنات شرايكم بعد الفطور نروح لـ أديم ونرجع قبل الغداء
(أديم تكون بنت جيرانهم )
شوق : خلاص تم بس من بيودينا
وعد : بكلم عبدالعزيز معليكم
شوق : ياخي مالقيتوا الا عبدالعزيز ؟
وعد : وليه وشفيه أخوي ؟
شوق : لا مافيه شي
الهنوف : خلاص انتي وهي اخلصوا عشان نكلم امي نروح

-

عند الشياب والعيال
الجد عبدالله : اليوم محد يروح للحلال الا طلال وتركي عقاب لهم ولاحد فيكم يساعدهم
تركي : تكفى ياجد والله مانعيدها بس خل العيال يساعدونا
الجد عبدالله : كلمتي مره وحده وانا قلت اللي عندي فطروا وخلصوا شغلكم
فارس : تستاهلون كم مره احذركم ناموا بدري بس ماتسمعون
العيال يضحكون عليهم ومستانسين مراح يشتغلون اليوم الا مشعل وفيصل اللي المحل عليهم اليوم وكانوا مالهم خلق يروحون له
الجد عبدالله عنده محل بشوت وسيوف وكل يوم على ثنين يشتغلون فيه
بحكم انه مايثق في العمال
عبدالرحمن: الحمدلله يعطيكم العافيه انا بروح عندي شغل
وكذا بدو يقومون

-

عند البنات

الهنوف : روحي ياشوق قولي لامي تحبش وبتوافق
رهف : اي تكفين شوق بتوافق
البنات : يلا روحي
شوق : بنات خايفه ترفض
وعد : لا مراح تقول شي انتي اخلصي الحين
شوق : خلاص انتي وهي بروح
يابنتي جدكم بيرفض وين تروحون للناس الحين
شوق : ياجده تكفين كلميه انتي وبعدين كم قدلنا من أديم
الجده فاطمه : ابشري يابنتي بكلمه
دخل الجد عبدالله وعيالها
سلام عليكم
تقدم فارس باس راس امه شحالش يا يمه
وخالد بالمثل
الجده فاطمه : بخير ي عيالي  دامكم بخير الا بقول  لك يابو فارس
البنات ودهم يروحون لبنت جيرانا
الجد عبدالله : وش يوديهم الحين
الجده فاطمه : خلهم يستانسون مساكين من يوم قاموا وهم يكرفون في البيت
الجد عبدالله : خلاص خليهم يخلصون بيجي عبدالعزيز يوديهم

-

عند العيال

عبدالعزيز : ياخي ليه انا اللي اوديهم
سعود : معليك روح نزلهم وتعال نروح للعيال نضحك عليهم
عبدالعزيز : يلا ماعاد نقدر نقوم شي

-

عند البنات
وجدان : بنات اخلصوا عبدالعزيز برا
شوق : وقفي باقي عبايتي انتظروني
البنات طلعوا وباقي شوق خلصت ولحقتهم
عبدالعزيز: ابا افهم ليش تتأخرون كل مره ماتقدرون تخلصون بسرعه
وعد : اسفين والله كل من شوق اخرتنا
شوق بشهقه : انا!!!
وعد : اي انتي
الهنوف : خلاص اسكتوا عبدالعزيز حط لنا اغنيه
عبدالعزيز: انا يالله متحمل اصواتكم وانتي تبين اغنيه
الهنوف : ضربته في كتفه وجع انا عمتك قليل ادب
عبدالعزيز بنبره : من القليل ادب ؟؟
الهنووف : شدعوه امزح معك
عبدالعزيز : أنزلوا يلا
شوق : شفيه نفسيه هذا محد يمزح معه
ريم : هذا هو عبدالعزيز محد يقدر يمزح معه
الهنوف : والله نسيت احسب انه مثل العيال الباقين

وكذا خلصنا البارت الاول اتمنى تعجبكم
(استغفر الله واتوب اليه)
استودعتكم الله 
الكتابه : شوق اليامي ✍🏻❤️.