" أبيها ياسعُود لو إنها عذابي "

البارت 5

بدون اي احداث مهمه واخيرا زواج محمد
عند العيال
مشعل: من بيودي الحريم
فيصل : انا بودي الحريم اما البنات طبعا عبدالعزيز
عبدالعزيز: وليش انا مب واحد منكم
تركي : عبدالعزيز والله يخافون منك حن بيقعدون ساعه لين مايطلعون
عبدالعزيز : لا يشيخ
قاطعهم صوت الجد عبدالله: ياعيال يلا الحريم جاهزين من بيوديهم
طلعوا العيال وهم كاشخين وخالصين
فيصل : انا بودي النسوان والبنات عبدالعزيز
فارس : قواكم الله حن بنسبقكم يلا يعيال
راحوا العيال كلهم باقي فيصل وعبدالعزيز

-
فيصل خذا النسوان وراح لان هم خالصين من قبل
-

عند البنات
وجدان : يلا اخلصوا ترا عبدالعزيز اللي بيودينا
رهف : يلا يلا بدينا نخلص
شوق اللي باقي مابعد لبست فستانها ياخي ليش عبدالعزيز خلو تركي يودينا
وعد : احمدي ربش اخوي يوديش
ريم : اسكتي انتي وهي واخلصوا
خلصوا البنات وطلعوا لـ عبدالعزيز الا شوق باقي تلبس عبايتها
عبدالعزيز بعصبيه : شفيكم انتو ماتقدرون تخلصون بسرعه
الهنوف : خلاص جينا
عبدالعزيز: باقي احد ؟
الهنوف : اي شوق تلبس عبايتها
طلعت شوق وهي بكامل كشختها وزينتها
عبدالعزيز: ليش متاخره؟
شوق : ماشفت الا انا يعني كلهم تاخروا
عبدالعزيز بعصبيه : لا انتي اللي تاخرتي كلهم طالعين قبلك مره ثانيه اخلصي بدري
شوق : لازم تعكر مزاج الواحد خلاص طلعت مب لازم ترفع صوتك
عبدالعزيز : اركبي ولاعاد تتكلمين معي بالاسلوب هذا
شوق وهي تركب وتتأفف اف يربي لازم يستقعد لي
ريم : الحب افعال
عبدالعزيز بعصبيه : ممكن ما اسمع صوت حد لين نوصل
شوق بصوت خافت : من يسكته الحين
عبدالعزيز: ترا اسمع
واخيرا وصلوا ونطق عبدالعزيز: انزلوا يلا

-

في مجلس الرجال دخل عبدالعزيز وسلم
عبدالعزيز: سلام عليكم
رددو وعليكم السلام ارحب
سعود: وين كنت تاخرت
عبدالعزيز: ياخي البنات يغثون يالله طلعو
سعود : الصراحه الله يعينك
قاموا الشباب يرقصون والتصفيق والحماس كل ماله يزيد

-

عند الحريم
وعد : شوق يلا نقوم نرقص
شوق : لاوالله متوتره
الهنوف : قوموا يلا اجل ليش كاشخين وجاين
ريم : منجد والله
قاموا البنات وكانو يرقصون وكانت الانظار على شوق اللي لابسه احمر وشعرها ويفي وميكب خفيف ولكن كانت اجمل وحده
رهف : شوق شفيش متوتره ترا عادي
شوق: احس بيغمى علي
وجدان: بسم الله عليك

-

عند النسوان
الجده فاطمه : مشاءالله عليهم استودعتهم الله
عبير : اللهم امين الله يحفظهم
قاطعتهم الحرمه اللي تسال من ام البنت اللي لابسه احمر
حصه : سمي انا امها
الحرمه : ممكن اكلمك شوي ولا عليش امر
حصه : ابشري تعالي
راحت حصه والحرمه بعيد عن صوت الاغاني
حصه : سمي شبغيتي
الحرمه : انا اسمي نوره وعندي ولدي اسمه جابر والصراحه ودي ببنتش لولدي مابنلقى احسن منكم
طبعاً نوره تعرفهم من زمان وكانوا في الديره بس انتقلوا للرياض
حصه : نتشرف فيكم ابشري برد لك خبر
نوره : هذا رقم جوالي ......
حصه : انشاءالله خير

-

وصايف : يلا ياعمه فيصل ينتظرنا برا والبنات مع عبدالعزيز
الجده فاطمه : يلا يابنتي قولي للبنات
راحت وصايف تقول للبنات
الهنوف: تونا ما شبعنا
وصايف: شنسوي العيال برا يلا

-

طلعوا النسوان لـ فيصل
فيصل : ياحبني لكم ماتخلوني انتظر برا

-
عند البنات
طلعوا لـ عبدالعزيز
عبدالعزيز: الحمدلله ماخليتوني اخيس برا
وعد : افا ياخوي ماحن ننأخر محد يتاخر الا زوجتك المستقبليه
ضحكوا البنات وشوق اللي عصبت : انكتمي انتي وهي
عبدالعزيز: خلاص لا اسمع صوت حد

-

عند النسوان
حصه : جاتني نوره تذكرينها ياعمه
الجده فاطمه: اي اي اذكرها
حصه : تخطب شوق لولدها جابر
الجده فاطمه : بس شوق لـ عبدالعزيز
حصه : والله ياعمه ما ادري انا بقول لـ خالد وبنشوف
الجده فاطمه: خير انشاءالله

-
في غرفه حصه وخالد
حصه : تذكر حسين جارنا اللي راح للرياض
خالد : اي اذكره وشفيه
حصه : جاتني زوجته تخطب شوق لولدها
خالد : بس وعبدالعزيز ؟
حصه : ماندري عن شوق يمكن ماتبي عبدالعزيز
خالد : بنشوف

وكذا خلصنا البارت الخامس اتمنى يعجبكم
( استغفر الله واتوب اليه)
استودعتكم الله
الكاتبه : شوق اليامي✍🏻❤️.