" أبيها ياسعُود لو إنها عذابي "

البارت 10

-
عند الرجال
ابو جابر : ودكم الملكه تكون بعد ثلاث ايام
الجد عبدالله: خير انشاءالله
ابو جابر : يلا مع السلامه
وانتهاء اليوم اللي كان ثقيل على عبدالعزيز
طلع عبدالعزيز برا ولحقه سعود
سعود : ودك بسمره وشاهي
عبدالعزيز: سعود احس مب مرتاح لـ جابر
سعود: كيف يعني
عبدالعزيز:نظرته وحركاته احس مب مرتاح له
سعود : مدري والله انا مالاحظت

-

عند البنات
الهنوف : بروح انام تعب
شوق: انا لازم انام عشر ايام على التوتر اللي جاني
ريم : يمه وانا دوري بكره
رهف : حلوه ذي انا دوري بكره
وعد : مب صاحين والله

-
نام البيت كله بقى عبدالعزيز اللي يفكر في جاير
عبدالعزيز كان قاعد في الحوش
طلعت شوق مافيها نوم ومتوتره
عبدالعزيز: شفيش مب نايمه
شوق : مافيني نوم
عبدالعزيز: بقول لش شي ياشوق جابر انا مو مرتاح له
شوق : كيف يعني ؟
عبدالعزيز: كذا مب مرتاح له احس فيه شي لاتوففين ارفضي ياشوق عاد حن في البدايه
شوق : وليش ارفض وانا ماشفت شي وبعدين انا مرتاحه
عبدالعزيز: ياشوق اسمعي كلامي لاتوفقين
شوق اللي كانت تبي تكمل جامعتها وماودها ترفض وهي ماشافت شي ونطقت : لا مراح ارفض
عبدالعزيز بعصبيه : ليش ليش يعني حبتيه مثلاً ؟
شوق :عبدالعزيز خير وشفيك وش ذا الكلام
عبدالعزيز: مراح اخليش تتزوجينه
شوق : مب كيفك وبعدين انا موافقه ومرتاحه
عبدالعزيز: وانا قلت ماني مرتاح وانتهى
شوق بعصبيه : انت ليش تتحكم فيني انت شتبي
عبدالعزيز: كلامي وصل لش
راح عبدالعزيز ينام وشوق قعدت تفكر ليش يسوي كذا وليش ما ارتاح له

-

صباح يوم جديد وكان يوم ملكة مشعل و ريم الحب الطاهر
عند الشياب والعيال اللي طلعو يصلون والبنات كالعاده يسون الفطور
والنسوان عند الجده فاطمه

-

ريم : بنت احس خايفه
شوق : والله ما الومش توتر الف
رهف : معليش ي ريم متوتره ليش وبعدين مشعل مب غريب
ريم : الله يعين بس

-
عند العيال اللي كانو يضحكون على مشعل
فيصل : مشعل تخيل اتزوج وتسالني وين رايح وين جاي
تركي : ولا تغار وتغثني
مشعل : مالي كلام معكم ي العزابيه
عبدالعزيز: الله الله عليك
دخلو وكان الفطور جاهز على السفره وافطرو وبدو يروح كل واحد شغله

-
البنات اللي كانو يجهزون البيت ويجهزون الحلا
الا شوق اللي كانت مع ريم
ريم : شوق حلو فستاني احس خايفه
شوق: يجنن والله وانتي تهبلين كل شي عليش حلو

-

عند الشياب والعيال
الجد عبدالله: ترا عزمت اهل الديره كلهم افرشوا الحوش وضبطوه
فارس : ابشر يبه معليك

-

بدون اي حدث مهم بعد صلاة المغرب بدو الناس تجي لبيت الجد عبدالله
ريم : خايفه اطلع وربي
شوق : معليش انا معش
وعد : والله انهم واجد
ريم : يمه يويلي
الهنوف : وعد انقلعي خوفتيها
حصه : بنات تعالو الناس جات وانتو في الغرفه
شوق: يلا جاين