" أبيها ياسعُود لو إنها عذابي "

البارت 9

بدون اي حدث مهم العيال في قسمهم والبنات في غرفة الهنوف كالعاده
والشياب والنسوان نايمين الا سعود وعبدالعزيز اللي كانو في الحوش
سعود : بس ياعضيدي لاتوجع نفسك انساها وانا اخوك
عبدالعزيز: مقدر مقدر انساها ياسعود مقدر
سعود : عذبتك شوق هي وحبها وش تبي خلاص هي بتتزوج
عبدالعزيز اللي نطق أبيها ياسعود لو إنها عذابي
سعود بحزن : الله يعوضك ياخوي
قاطعهم دخول تركي وهو يركض لهم
عبدالعزيز: بشويش بشويش لاتطيح
تركي : عندي لكم خبر
سعود : وش فيه
جاهم طلال اللي يصيح تركي بمردغك
تركي : طلال يحب اديم
عبدالعزيز: اديم ماغيرها
تركي : اي
طلال : والله ماتسلم ي حيوان
تركي : لعب فيكم الحب
فيصل ومشعل اللي كانو متجهين لهم ويسولفون
فيصل : انتبه لاختي لا امردغك صدق
مشعل : ياخي اختك تبي الفكه منك بس اسكت
سعود: وانتو شفيك كل ثنين متهاوشين
تركي : الحب افعال ياسعود
قام على صوتهم الجد عبدالله : انا ماني اقول النوم قم انت وياه ي السرابيت قامو العيال بخوف ودخلو قسمهم ونامو

-
عند البنات
الهنوف : هذا صوت ابوي قومو نامو لايجينا
طلعو البنات من غرفه الهنوف وراحوا كل وحده لغرفتها
وانتهى اليوم

-

بداية يوم جديد وكان اليوم سيئ بنسبه لـ عبدالعزيز
حب طفولته بتروح لغيره
نطق عبدالعزيز: يلا قومو الغداء يويلكم من جدي
سعود : مب من جدهم ذولا
دخل فارس ونطق : طلال تركي قم انت وياه
قامو طلال وتركي يركضون من يدخل الحمام الاول
فيصل : مب صاحين ذولا
عبدالعزيز: تكفى ي صاحي انت

-

عند البنات اللي خلصو الغدا
دخلت عبير : قواكم الله اخلصوا نبي نسوي حلا وقهوه بيجون بعد المغرب
وعد : من بيجي يمه !!
عبير : والله انش فاهمه جابر واهله جاين يخطبون شوق رسمي
وعد : اي صح نسيت
خلصو البنات الغداء وجات وقت القهوه العصريه

-
شياب والنسوان والعيال يتقهون برا
البنات كانو يجهزون القهوه والحلا الا شوق الي كانت تلبس وتتكشخ
الهنوف: ياحلوش ي شوق
شوق : حبيبتي والله بس خايفه ي بنات
رهف : معليش ماشي يخوف

-
عند عبدالعزيز وسعود في الاسطبل
سعود: بتجي اليوم
عبدالعزيز : وين؟
سعود: خطبة شوق
عبدالعزيز: اي بجي وبعدين حياتها وهي اختارتها

-
عند الحريم بعد المغرب بعد ماجات ام جابر
ام جابر : الا وين عروستنا
حصه : بتجي الحين
الجده فاطمه: لا اوصيكم في حفيدتي
ام جابر : ابشري بحطها بعيوني
قاطعهم دخول شوق وهي بكامل زينتها
ونطقت سلام عليكم وتقدمت تسلم على ام جابر
ام جابر : وعليكم السلام تعالي عندي هنا

-
عند الرجال
سعود: ودك نطلع ؟
عبدالعزيز: لا ليش نطلع
سعود: لا ولاشي
ابو جابر : واضح سبب زيارتنا لكم ودنا بقربكم ومابنلقى احسن منكم
الجد عبدالله : حياكم الله وجابر ونعم مابنلقى احسن منه

-
عند البنات
وعد : مشعل يقول تطلعين ل تركي لان جابر في المجلس هناك
شوق : يمه خايفه لا
ريم : قومي يلا مافيه شي يخوف
راحت شوق للمجلس وكانت متوتره
شافها تركي وقال : يالبيهه يجمال اختي
شوق : تركي خايفه
تركي : تعالي معي

-
في المجلس جابر كان ينتظر
دخلت شوق وتركي
ونطق تركي سلام عليكم
جابر : وعليكم السلام
تركي : بروح شوي وراجع
جابر تقدم لـ شوق ونطق ارحبي
شوق : البقاء
جابر : تعالي اقعدي هنا
شوق راحت وقعدت وكانت متوتره ونطق جابر : شحالش
ماردت شوق من توترها
جابر : انشاءالله اني اكون قد المسوولية واصونش
دخل تركي ونطق : جابر يلا الرجال ينتظرونا
جابر : يلا

-
عند البنات
قاطعتهم شوق وهي متوتره
ريم : شفيه وجهش كذا
شوق : اسكتو احس بيغمى علي
الهنوف: بسم الله عليش تعالي اقعدي جنبي

وكذا خلصنا البارت التاسع اتمنى تعجبكم
(استغفر الله واتوب اليه)
استودعتكم الله
الكاتبه : شوق اليامي ✍🏻❤️.